Россиялик зўравон футболчиларга суд ҳукм қилди

Ўтган йилнинг кузида Санкт-Петербургнинг "Зенит" клуби ҳужумчиси Александр Кокорин ҳамда "Краснодар" ярим ҳимоячиси Павел Мамаев Россиянинг Биринчи канал бошловчиси Ольга Ушакованинг ҳайдовчисини Виталий Соловчук ва автомобил саноати департаменти директори Денис Пакни дўппослашгани учун полиция томонидан қўлга олинган эди.

Берилган маълумотларга қараганда бугун жиноят ишлари бўйича Москва суди ушбу зўравон футболчилар масаласида якуний ҳукмни эълон қилди. Унга кўра Кокорин 1 йил 6 ой, Мамаев эса 1 йил 5 ой қамоқ жазосига ҳукм қилинди. Жазо умумий тартибли колонияларда ўталиши белгилаб қўйилган.