"Rostov" futbolchisi APL klubiga o‘tishi mumkin

"Rostov" yarim himoyachisi Dennis Xajikadunich faoliyatini Angliya premer-ligasida davom ettirishi mumkin.

Inside Futbol nashrining ma’lum qilishicha, 22 yoshli shvetsiyalik futbolchining xizmatlariga "Vest Xem" jiddiy qiziqish bildirmoqda. Rostovliklar esa uni 5 mln evro evaziga qo‘yib yuborishga tayyor.

Xajikadunich 2018 yildan buyon “Rostov” safida harakat qilib kelmoqda. U o‘tgan davr mobaynida 40 ta o‘yinda maydonga tushdi va o‘z hisobiga 2 ta gol hamda 1 ta golli uzatma yozdirib qo‘yishga erishdi.