"Ростов" клубининг февраль-март ойидаги энг яхши футболчиси аниқланди. У ким? (Фото)

Россиянинг "Ростов" клуби расмий сайтида мухлислар ўртасида сўровнома ўтказилди.

Ишқибозлар жамоанинг февраль-март ойидаги энг яхши футболчисини аниқлаш учун овоз беришди. Натижаларга кўра, Роман Еременко 24% овоз билан энг яхши футболчи, деб топилди. Ундан кейинги ўринларда Ивелин Попов 17,8% ва Хорен Байрамян 17% овоз жамғаришди.

Роман Еременко баҳордаги 3 та ўйинда бир марта дарвозани ишғол қилди. Унинг ЦСКАга урган голи турнинг энг чиройлиси деб топилганди.

Шунингдек, Еременко ўтган йили октябрь ойида ҳам клуб мухлислари томонидан эътироф этилганди.