Рой Кин айни пайтдаги АПЛнинг энг яхши 3 нафар футболчиси кимлар эканлигини айтди

"Манчестер Юнайтед"нинг афсонавий ярим ҳимоячиси Рой Кин Англия Премьер лигасининг айни дамдаги уч нафар энг яхши футболчиси ким эканлиги ҳақида гапирди.

Ирландиялик собиф футболи "Sky Sports" телеканалидаги кўрсатувда "Манчестер Сити"нинг асосий юлдузлари Эрлинг Холанд ва Кевин де Брюйне, шунингдек, "қизил иблислар"нинг португалиялик ҳужумчиси Криштиану Роналдуни алоҳида таъкидлади.

"Холанднинг кейинги бир неча йил ичида нимага эриша олишини кутиш керак, айниқса "Сити"дек кучли жамоа ва Хосеп Гвардиола билан ишлаш унга кўплаб йўлларни очади. Роналдуга эса яқинда фаолиятидаги 700-голини ургани учун миннатдорчилик билдиришингиз керак”, - деди “Манчестер Юнайтед”нинг собиқ футболчиси.

Эслатиб ўтамиз, "Эвертон"га қарши ўйинда Криштиану клублар даражасидаги 700-голини киритди.