Рўзиқул Бердиев: "Насаф" футболчиларининг жисмоний ҳолати яхши эмас
Кеча Суперлиганинг 21-туридан ўрин олган АГМК - "Насаф" учрашувидан сўнг қаршиликлар бош мураббийи Рўзиқул Бердиев ўзининг ўйин ҳақидаги фикрларини билдириб ўтди.
“Бугунги ўйинда жамоамиз чарчаб қолгани кўриниб қолди. Биринчи бўлимни тенг курашлар остида ўтказдик. Иккинчи бўлимнинг 15 дақиқаларидан сўнг, ташаббусни АГМКга бой бериб қўйдик. Қарши ҳужумларда вазиятлар бўлди. Аммо, булардан фойдалана олмадик. Аниқроқ ҳаракат қилишимиз керак эди. 94-дақиқада стандарт вазиятда олдинга берилиб кетдик ва қарши ҳужумда Байдуллаевнинг индивидуал ҳаракатлари эвазига гол ўтказиб юбордик. Лекин, футболчиларимиз бор кучлари билан яхши натижа учун ҳаракат қилишди. Ҳозир жамоанинг жисмоний ҳолати яхшимаслиги, натижаларга таъсир қиляпти“, – дейди Рўзиқул Бердиев.
Фикрлар