РПЛ. Ўруновнинг дебютида "Спартак" ғалаба қозонди

Россия премьер-лигаси 6-туридан ўрин олган "Спартак" - "Арсенал" Тула учрашуви якунланди. Унда мезбонлар 2:1 ҳисобида ғалабага эришди.

Дастлаб, "Арсенал" футболчиси Хлусевич ҳисобни очган бўлса, бўлим якунига қадар москваликлар бунга 2 та тўп билан жавоб қайтара олди. "Қизил-оқлар" таркибида Александр Соболев ҳамда Самуэль Жиго гол киритди.

Қувонарлиси, бу баҳсда ҳамюртимиз Остон Ўрунов ўз дебютини нишонлади. 68-дақиқада майдонга тушган Остон ўйин сўнгига қадар ўзининг фаол ҳаракатлари билан ажралиб турди.

• 90+4'
  

  Учрашув якунланди! Матнли трансляция Жавоҳир Азимов томонидан олиб борилди.

• 90+2'

  Тулаликларнинг охирги дақиқалардаги зарбаси ноаниқ кетди.

• 90+4'
  

  Ўйиннинг асосий вақтига 4 дақиқа қўшиб берилди.

• 90'
  

  Рақибига нисбатан қўпол ўйнагани учун Чаушич сариқ карточка олди.

• 90'
  

  Масловга тиббий ёрдам керак.

• 88'
  

  Майдонда ҳаракат қилган Ларссон ўрнига Мирзов ўйинга қўшилди.

• 86'
  

  Бурчак тўпидан етказилган пасга Жиго боши билан ноаниқ зарба берди.

• 85'

  Ўрунов жамоасининг қарши ҳужумини ажойиб бошлаб берди. Аммо Ларссон уни охиригача етказа олмади.

• 84'
  

  Хулусевич ўз ўрнини Александр Довбняга бўшатиб берди.

• 83'
  

  Айртонни чалиб йиқитгани учун Хулусевич сариқ карточка олди.

• 81'

  Остон Ўрунов захирадан ўйинга қўшилиб, темпни оширди.

• 78'
  

  Кангва ўрнига Чаушич ўйинга қўшилди.

• 76'
  

  Громико майдонда ётибди. Унга тиббий ёрдам кўрсатилмоқда.

• 74'

  Айртон рақиб жарима майдончаси ичида йиқилиб тушди. Ҳакам пенальти йўқлигини кўрсатди.

• 73'

  Ларссон рақиб дарвозабони билан бирга-бир вазиятга чиқиб кетиши мумкин эди. Аммо Нигматуллин олдинга югуриб чиқди ва хавфни бартараф этди.

• 71'
  

  Жиго рақибини йиқитгани учун сариқ карточкага лойиқ кўрилди.

• 70'

  Жиго бўш қолган дарвозага йўлланган рақиб зарбасини қайтарди.

• 68'
  

  Шунингдек, Умяров ўрнига Ешенко майдонга тушди.

• 68'
  

  Жароҳат олган Гус Тиль майдонни тарк эти. Унинг ўрнига Остон Ўрунов ўйинни давом эттиради.

• 65'

  Ўйин темпи бироз тушди.

• 63'
  

  Кангва билан тўқнашиб кетган Гус Тилга тиббий ёрдам керак.

• 60'

  Москваликлар тўп назоратини ўзларида ушламоқда.

• 57'
  

  Бакаев ўрнини Тилга бўшатиб берди.

• 53'
  

  "Арсенал" мураббийи Сергей Подпалий ҳакамга эътироз билдиргани учун огоҳлантирилди.

• 51'

  Бир ўйинчи кам бўлиб қолган тулаликлар олдинга интилмоқда.

• 48'
  

  "Арсенал" жамоасининг ҳавфли бурчак зарбасидан кейин мезбонлар дарвозаси олдида саросимали вазият юзага келди. Аммо дарвозабон тўпни ушлаб олди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз.

• 45+4'
  

  Танаффус!

• 45+3'
  

  ГООООООООООЛЛЛЛЛЛЛ!

  Стандарт вазиятдан узатилган тўпни Самуэль Жиго дарвозага тўғирлаб юборди.

• 45+2'
  

  Крал рақиби билан тўқнашиб кетди. Унга тиббий ёрдам кўрсатилмоқда.

• 45'
  

  Биринчи бўлимга 2 дақиқа қўшиб берилди.

• 45'
  

  "Арсенал" таркибида Лесовой ҳакамга жиддий эътироз билдиргани учун майдондан четлатилди.

• 45'
  

  Бўлим сўнгида тулаликлар бурчак зарбаси тепиш ҳуқуқини қўлга киритди.

• 42'
  

  Пантелеев рақибининг юзига зарба бериб юборгани учун ҳакам томонидан жазоланди.

• 41'
  

  ГООООООООООЛЛЛЛЛЛЛ!

  Соболев ҳисобни тенглаштирди.

• 38'

  "Спартак" футболчилари тўп назоратини қўлга олмоқда.

• 36'
  

  ГООООООООООЛЛЛЛЛЛЛ!

  Қанотдан узатилган тўпни Хлусевич дарвозага йўллаб, ҳисобни очди.

• 33'
  

  "Арсенал" футболчиси Костадиновнинг бурнидан қон оқмоқда. Шифокорлар унга тиббий ёрдам кўрсатишяпти.

• 31'
  

  Тулаликларнинг бурчак зарбаси муваффақиятсиз якунланди.

• 29'
  

  Айртонга нисбатан қўполлик ишлатгани учун Сокол огоҳлантирилди.

• 26'

  Стандарт вазиятдан оширилган тўпни "Арсенал" ҳимоячилари узоқлаштирди.

• 24'
  

  Бауэр хароҳат олиб, майдонда ётибди.

• 21'

  Навбатдаги қулай имконият Соболевнинг ноаниқ пасидан кейин тўхтаб кетди.

• 18'

  Москваликларнинг ҳужумлари ҳозирча ҳавфли кўриниш олмоқда.

• 16'
  

  Костадиновга тиббий ёрдам кўрсатилмоқда.

• 14'

  Ларссоннинг жарима тўпидан берган зарбаси жуда хавфли тус олди. Бироқ озгина ноаниқ.

• 13'
  

  Оёқлари билан рақибига зарба бериб юборган Лесовой огоҳлантирилди.

• 11'

  "Спартак" футболчилари ҳавфли ҳужумлар уюштиришда давом этмоқда.

• 8'

  Айртон бу сафар рақибидан тезликда ўтиб кета олмади. Акс ҳолда, у дарвозабон билан бирга-бир вазиятга чиқиб бориши мумкин эди.

• 5'

  Айртоннинг қанотган етказиб берган узатмасига жамоадошлари ета олмади.

• 4'

  "Спартак" футболчилари тўп учун курашларда бироз чаққонроқ ҳаракат қилмоқда.

• 2'
  

  Бурчакдан узатилган тўпга Жикия зарба берди. Унинг уриниши ноаниқ якунланди.

• 1'

  Дастлабки дақиқадаёқ москваликлар ҳавфли ҳужум уюштирди ва бурчак зарбаси ишлаб олишди.

• 1'
  

  Учрашув бошланди!

• 0'

  Ассалому алайкум, қадрли мухлислар! Танловингиз марказида эканлигимиздан хурсандмиз!