РПЛ. "Ростов" сафарда ғалабани қўлдан чиқарди

Россия премьер-лигаси 6-туридан ўрин олган "Краснодар" - "Ростов" учрашуви якунланди. Унда 1:1 ҳисоби қайд этилди.

Дастлаб, Норманн Шомуродор ишлаб олган жарима зарбасини қойилмақом қилиб дарвозага киритди. Аммо мезбонлар бу голга 72-дақиқада Маркус Бергнинг аниқ зарбаси билан жавоб қайтара олди. 

Ушбу натижадан кейин онлайн турнир жадвалида "Ростов" 7-ўринда, "Краснодар" эса 9-поғонада жойлашган.

• 90+5'
  

  Учрашув якунланди. Матнли трансляцияя Жавоҳир Азимов томонидан олиб борилди.

• 90+4'

  Ростовликлар охирги имкониятни қўлга киритди: аммо стандарт вазиятдан фойдалана олишмади.

• 90+2'

  Ўйин сўнгини мезбонлар фаол ўтказмоқда.

• 90'
  

  Асосий вақтга 4 дақиқа қўшиб берилди.

• 90'
  

  Бу сафар бошқа рақибининг оёғига тепгани учун Тошевский сариқ карточка билан жазоланди.

• 89'

  Тошевский дарвозабон майдончаси ичида Сафоновга нисбатан қўпол ўйнади. У бунинг учун огоҳлантирилиши мумкин.

• 87'

  Вандерсон бугун "Ростов" футболчиларини осонгина алдаб ўтмоқда.

• 85'
  

  Майдонда ҳаракат қилган Шоуродов ҳамда Еременко захирага олинди. Уларнинг ўрнига Тошевский ва Логашов туширилди.

• 82'
  

  Кабелланинг яқин масофадан берган зарбасини Песьяков қайтарди. "Ростов" футболчилари ўйинни ташлаб қўйишди. Дарвозабон яна қанча қутқара олиши ноаниқ.

• 80'
  

  Сулейманов ўйинга қўшилди. У Клаэссоннинг ўрнида ҳаракат қилади.

• 79'

  Вандерсоннинг зарбаси устун ёнгинасидан ўтиб кетди. Мезбонлар хавфли ҳужумлар уюштиришда давом этмоқда.

• 78'

  Мезбонлар ҳужумда қўполлик ишлатди.

• 75'

  Мезбонлар босим қилишда давом этмоқда.Бу сафар Петровнинг зарбаси хавфли тус олди.

• 74'
  

  Глебов ва Долгов майдонга тушди. Улар Ионов ҳамда Хасимото ўрнида ҳаракат қилади.

• 73'
  

  Ҳакам футболчиларга сув ичиш имкониятини тақдим этди.

• 72'
  

  ГООООООООООЛЛЛЛЛЛЛ!

  Ҳужум қилишда давом этган "Краснодар" ҳисобни тенглаштирди. Маркус Берг бўш қолган дарвозани ишғол этди.

• 70'

  Мезбонлар катта устунлик билан ўйинни давом эттирмоқда. Бироқ улар ҳисобда ортда қоляпти.

• 69'
  

  Вандерсоннинг зарбасини тўғри позиция танлаган Песьяков эгаллаб олди.

• 67'

  Уткиннинг жарима майдончаси ичидан йўллаган зарбаси устунга тегди. Мезбонлар темпни оширмоқда.

• 66'
  

  Мезбонлар таркибида Кабелла майдонга тушди. У Вильенани алмаштирди.

• 64'
  

  ГООООООООООЛЛЛЛЛЛЛ!

  Шомуродов ишлаган жарима зарбасини Норманн қойилмақом ижро этди ва ҳисобни очди.

• 64'
  

  Байрамян ўз ўрнини Полозга бўшатиб берди.

• 63'
  

  Дарвозабон билан бирга-бир вазиятга чиқиб кетаётган Шомуродовни қўполлик билан тўхтатган Мартинович огоҳлантирилди.

• 60'
  

  Олссоннинг супер зарбасини Песьков қайтарди. Тўп дарвозанинг тўққизлигига қараб кетаётган эди.

• 59'
  

  Мезбонлар таркибида ҳаракат қилган Газинский ўрнига Уткин ўйинга қўшилди.

• 57'

  Жамоалар ўйин темпини бироз туширишди. Бу чалғитувчи ҳолат бўлиши ҳам мумкин.

• 55'

  "Ростов" позицион ҳужум қилмоқда. Жарима майдончасига ёриб кириш бироз қийинчилик туғдирмоқда.

• 52'

  Мезбонлар кетма-кет ҳужумлар уюштириб, рақибни босим остида ушлаб турибди.

• 50'

  "Краснодар"нинг қарши ҳужумлари хавфли тус олмоқда.

• 49'

  Хашимото рақиб қарши ҳужумини қўполлик билан тўхтатиб қолгани учун бу сафар оғзаки огоҳлантирилди. Кейингиси карточка бўлиши мумкин.

• 47'

  Иккинчи 45 дақиқаликни мезбонлар нисбатан фаол бошлади.

• 46'
  

  Иккинчи тайм бошланди!

• 46'

  Жамоалар майдонга қайтди. Биз ҳам қайтамиз.

• 45+4'
  

  Танаффус!

• 45+4'

  Вилена узоқ масофадан зарба йўллади. Унинг уриниши тўсин юқорисидан ўтиб кетди.

• 45+3'

  Норманнинг зарбаси дарвозабонга муаммо туғдирмади.

• 45+1'
  

  Жамоадошининг ажойиб пасидан кейин бирга-бир вазиятга чиқиб борган Берг ўйиндан ташқари ҳолатда қолиб кетди.

• 45'
  

  Биринчи бўлимга 4 дақиқа қўшиб берилди.

• 44'

  "Краснодар" футболчиларининг стандарт вазиятдан оширган тўпини Песьяков ушлаб олди.

• 42'

  Еременконинг жарима майдончаси марказига узатган тўпига Шомуродов зарба бермоқчи бўлди. Бироқ ҳимоячилар унга ҳалал бера олишди.

• 39'

  Шомуродовнинг бош билан йўллаган зарбасига аниқлик етишмади.

• 37'
  

  Яқин масофадан берилган иккита зарбаси меҳмонлар посбони Песьяков қайтара олди.

• 36'

  Ионовнинг узатмасига Байрамян ета олмади. Акс Ҳолда, у қулай вазият ҳосил қилиши аниқ эди.

• 34'

  Мезбонларнинг ҳужумини бартараф этиб, дарҳол қарўи ҳужумга ўтган ростовликлврнинг уриниши Норманнинг ноаниқ ҳаракати туфайли узилиб қолди.

• 32'

  Юзага келган тўхталиш жамоаларга салбий таъсир қилгандек, гўё. Ўйин темпи бироз пасайди.

• 30'

  Ҳакам ВАРдаги ёрдамчиларидан пенальти бор ёки йўқлигини текширишни сўради. Кейинроқ ўзи бориб кўрди ва пенальти йўқлигини айтди.

• 27'
  

  Байрамянга тиббий ёрдам кўрсатилмоқда.

• 26'
  

  Майдон марказида Еременко ва Петроа ўзаро келишолмай қолишди. Ҳак икки футболчига ҳам карточка кўрсатилди.

• 24'
  

  Ҳакам жамоаларга салқинланиб олиш имкониятини берди.

• 23'

  Мезбонлар жарима майдончаси ичида "Ростов" футболчисининг қўлига тўп текканлигини айтмоқда. Аммо вазият ҳакам назорати остида эди.

• 20'

  Еременконинг яқин масофадан берган кучли зарбаси устунга тегди.

• 18'
  

  Бурчак зарбасидан оширилган тўпни мезбонлар дарвозабони уриб юборди.

• 17'
  

  Шомуродовнинг яқин бурчакдан йўллаган хавфли зарбасини дарвозабон қайтарди.

• 16'

  Шомуродовга узатилган қулай пасга Кайо эртароқ етиб келди.

• 13'

  Мезбонлар тўп назоратини қўлга олди. "Ростов" прессингда.

• 11'
  

  Кетма-кет икки бор бурчак тўпини ижро этган Ростовликларнинг уринишлари муваффақиятсиз якунланди.

• 8'
  

  Шомуродовнинг акробатик усулда йўллаган зарбасини рақиб посбони ушлаб олди.

• 7'

  Ўйин шиддатли ҳужумлар билан давом этмоқда.

• 5'

  "Ростов" жарима майдончаси ичида Газинский йиқилиб тушди. Ҳакам қўполлик бўлмаганини таъкидлади.

• 3'
  

  Дарвозаси томон йўлланган илк зарбани Песьяков ушлаб олди.

• 2'

  Шомуродов дарвозабон билан бирга-бир вазиятга чиқиб бораётган эди. Бироқ унга тўп оширган Байрамян қоидани бузганлиги учун ҳакам ўйинни тўхтатди.

• 1'
  

  Учрашув бошланди!

• 0'

  Ўйинчилар майдонга тушиб келишди. Ўйин бошланиш арафасида.

• 0'

  Ассалому алайкум, қадрли футбол ихлосмандлари! Бизни танлаганингиз қувонарли!