РПЛ. "Спартак" аутсайдер майдонида қийинчилик билан ғалаба қозонди

Россия премьер-лигаси 5-туридан ўрин олган "Ротор" - "Спартак" учрашуви якунланди. Унда москваликлар 1:0 ҳисобидаги ғалабага эришди.

Ўйиндаги ягона гол 54-дақиқа ўтиб бораётган вақтда Зелимхан Бакаев томонидан киритилди. 11 метрлик нуқтага яқинлашган Бакаевнинг зарбаси устунга тегиб, дарвоза тўридан жой олди.

Ҳамюртимиз Остон Ўрунов бу учрашувда захира ўриндиғида қолдирилди.

• 90'
  

  "Спартак" энг сўнгги вазиятни қайтарди. Учрашув якунланди! "Спартак" қийин ғалабани қўлга киритди. Матнли трансляцияни Абдулвосид Валихонов олиб борди.

• 90+'
  

  Маслов огоҳлантирилди.

• 90+'

  Бутун "Спартак" ҳимояланмоқда.

• 90+'
  

  Максименко вақтни чўзгани учун огоҳлантирилди.

• 90+'

  Жарима зарбаси дарвоза устуни ва тўсини кесишган жойга бориб тегди. Қойил "Ротор"!!!

• 90+'

  Ешченко ўз жарима майдони ёнгинасида қоидани бузди ва сариқ карточка олди.

• 90+'
  

  Учрашув асосий вақтига 6 дақиқа қўшиб берилди.

• 88'

  Глушенковнинг зарбаси ҳимоячиларга тегиб майдонни тарк этди.

• 87'
  

  Зобнинга тиббий ёрдам кўрсатилди.

• 85'

  Жигулевнинг узоқ масофадан берган зарбаси хавфли траектория олди.

• 85'

  Собольевнинг ноаниқ узатмаси сабаб москваликлар ҳужуми барбод бўлди.

• 83'

  "Спартак" волгоградликларнинг темпини пасайтириш мақсадида тўп назоратини амалга оширмоқда.

• 81'

  Зурико қийинчилик билан бўлса-да, зарба беришни уддалади. Максименко ўз ўрнида.

• 81'

  Жигонинг фаоллиги "Спартак"ни хавфли зарбадан қутқариб қолди.

• 80'

  "Ротор" жиддий тарзда гол учун ҳаракат қилмоқда.

• 78'
  

  "Ротор" таркибида Манучарян ўрнига Султонов майдонга тушди.

• 77'
  

  Бакаев ўрнига Глушенков майдонга тушди.

• 76'

  Жаримадан узатилган тўпга "Ротор" футболчиларининг берган зарбаси кучсиз чиқди.

• 74'
  

  МАААКСИМЕЕЕЕНКООООООО!!! Дарвозабон "Ротор"нинг тезкор қарши ҳужумдан сўнг берган зарбасини қайтарди. Супер сейв. Зурико рейд муаллифи.

• 72'

  Жигонинг жарима майдони марказида берган зарбаси бироз кучсиз чиқди.

• 71'
  

  Гогуа огоҳлантирилди.

• 70'

  "Ротор" жуда фаол ўйнай бошлади. Улар ўз уйларида мағлубиятга учрашни истамаяпти.

• 68'
  

  Манучарьян тиббий ёрдам қабул қилмоқда.

• 67'

  Узоқдан берилган зарба Максименко томонидан қайтарилди.

• 66'
  

  Байриев огоҳлантирилди.

• 64'

  Бакаевнинг узатмасига Собольев етиб бора олмади.

• 63'

  Бакаевнинг ўткир бурчакдан берган зарбаси ноаниқ кетди. Тўп оёққа тушмаганди.

• 61'
  

  "Ротор" таркибида Жигулев майдонга тушди. 

• 61'
  

  Жикияга тиббий ёрдам кўрсатилди.

• 60'
  

  Волгоградликлар "Спартак"нинг яна бир бурчак тўпини хотиржамлик билан қайтарди. 

• 59'

  Кралнинг узатмаси Собольев учун етиб бўлмас эди.

• 56'

  Энди "Ротор" ҳужумга ўтишга мажбур. Мана улардан бири. Ҳимоячилар ишончли ўйнади.

• 55'
  

  ГООООООООООООООООЛЛЛЛЛЛЛЛЛ!!! Бакаев 11 метрлик жарима зарбасини голга айлантирди. Тўп дарвоза устунига тегиб олгани москваликларни қўрқитган бўлиши табиий.

• 53'
  

  Пенальти! Соболевга нисбатан қоида бузилди.

• 52'

  Бакаевнинг ажойиб ҳаракатлари ва жарима майдонига юриши зарбагача етиб бормади.

• 51'
  

  Яна бир Корнер ўхшамади.

• 50'

  Айртоннинг узатмаси "Спартак"ка 10-бурчак зарбасини тақдим этди.

• 49'

  Дарҳақиқат, "Ротор" иккинчи бўлимни анча фаол бошлади.

• 47'

  "Спартак" бироз сергаклик билан ўйнамоқда. Биринчи тайм охирида ҳужумга берилиб кетиш нимага олиб келишини кўриб олди.

• 46'
  

  Иккинчи тайм бошланди.

• 45'
  

  Танаффус.

• 45+'
  

  Биринчи бўлимга 1 дақиқа қўшиб берилди.

• 45'
  

  Бурчакдан узатилган навбатдаги тўп ҳам волгоградликларга муаммо туғдирмади.

• 44'

  Ҳимоячилар "Спартак"нинг яна бир узатмасини қайтаришни уддалади.

• 42'

  Степановга тиббий ёрдам кўрсатилди.

• 42'

  Жикияни ҳам вазият қаҳрамони сифатида қайд этишимиз мумкин.

• 40'
  

  "Ротор" ажойиб ҳужум ташкил этди. Максименконинг маҳорати москваликларни муқаррар голдан қутқариб қолди. Қайтган тўпни ҳимоячилар дарвозага киришига йўл қўймади.

• 40'

  Ваниҳоят, Волгоградликлар рақиб ярим майдонига ўтди. Қанотдан узатилган кучсиз тўп ҳимоячиларга қийинчилик туғдирмади.

• 38'

  "Ротор" қарши ҳужумларга ўтиб кетишга қийналмоқда. Москваликлар борган сари уларни жарима майдони ичига қамаб бормоқда.

• 37'

  Бакаев жарима майдонига кириб келиб, олис бурчакка зарба бермоқчи бўлди. Аммо унинг зарбаси кучсиз чиқди.

• 36'

  Кралнинг оёғига тўп мослашмади. Зарба анчагина ноаниқ кетди.

• 33'
  

  "Қизил-оқлар" бурчак тўпларидан фойдаланишнинг бошқача усулларини топишлари зарур. Яна бесамар кетди.

• 32'

  Собольевнинг жуда хавфли зарбаси йўл-йўлакай ҳимоячиларга тегиб, дарвоза томон йўл олди. Дарвоза устуни ёнгинасидан ўтиб кетаётган тўпни дарвозабон қайтара олмаслигини сезганди. Голга яқинлашяпмиз, чоғи.

• 31'

  Жикиянинг рейди зарарсизлантирилди. Яхши вазият бўлганди.

• 30'

  Спартакчилар рақиб ярим майдонида штурм уюштирмоқда.

• 28'
  

  Макаров бутсиларининг таг қисми билан Собольев оёқларини босиб олди. Сариқ карточка.

• 26'
  

  Ваниҳоят, учинчи бурчак зарбаси ушбу вазиятдаги сўнггиси бўлди. Комбинацион ўйин тўпни олдириб қўйилиши билан якунланди.

• 25'
  

  Кетма-кет икки бурчак зарбаси самарсиз якунланди. "Спартак"да учинчи корнер.

• 24'
  

  Бурчак тўпи москваликлар томонидан муваффақиятсиз амалга оширилди.

• 23'

  Масловнинг жарима майдонига узатган тўпи йўлини ҳимоячи тўсиб қолди.

• 22'

  Бакаев ўта мураккаб ва нозик пасни амалга оширди. Аммо Зобниннинг зарбасига куч етишмади.

• 21'

  Волгоградликларнинг узоқдан йўллаган зарбаси трибуналар томон кетди.

• 20'
  

  Бурчакдан узатилган тўпга Маслов берган зарба кучсиз чиқди.

• 18'

  Ларссоннинг товони билан шеригига узатган тўпини тушунмади. "Ротор" қарши ҳужумга чиқиб кетишда хатога йўл қўйди.

• 16'

  Роман Зобниннинг узатмаси ҳимоячилар томонидан қайтарилди.

• 15'

  Жамоалар бир дақиқа бўлсин, ҳужум қилишда тўхтамаяпти. Қизиқ, бундай юқори темпга улар қанча дош бера олар экан.

• 14'

  Бакаевнинг жарима майдони ташқарисидан берган зарбасини ҳимоячи гавдаси билан қайтарди.

• 13'

  "Ротор" футболчиси икки ҳимоячи ўртасидан ўтиб кетмоқчи бўлди, бироқ мудофаа вакиллари тўпни ўтказишмади.

• 11'

  Жигонинг дарвоза ёнгинасидан берган зарбаси ноаниқ.

• 10 '

  Жикиянинг жаримадан йўллаган зарбаси жонли деворга тегиб, майдонни тарк этди.

• 8'

  Айртоннинг чап қанотдан уюштирган рейди ва дарвозага зарбаси "Ротор" посбонининг тўпни ушлаб қолиши билан якунланди.

• 7'

  "Ротор"нинг ҳужуми жарима майдонигача етиб бормади.

• 5'
  

  Бакаев сариқ карточка ишлаб олди. 

• 4'
  

  Бурчак тўпи ҳам осонлик билан қайтарилди.

• 4'

  Москваликлар яхши пас орқали ҳужумга чиқиб кетиши мумкин эди. Аммо ҳимоячилар тўпни бартараф этди.

• 1'

  Ларссон тезкор рейд билан ўнг қанотдан олдинга интилди. Бакаевга тўпни узатди. Зарба ҳимоячиларга тегиб майдонни тарк этди.

• 1'
  

  Учрашув бошланди!

• 0'

  Ўйин бир неча дақиқалар ичида старт олади. Бизни қизиқарли баҳс кутаётгани шубҳасиз.

• 0'

  Ассалому алайкум, азиз мухлислар. Биз билан эканлигингиздан хурсандмиз!