РПЛ. "Зенит" "Локомотив" майдонида очко йўқотди

Россия премьер-лигаси 6-туридан ўрин олган "Локомотив" - "Зенит" учрашуви ўз ниҳоясига етди. Унда 0-0 ҳисоби қайд этилди.

10-дақиқада Рибчинский мезбонлар дарвозасини ишғол этди. Аммо ҳакам ўйиндан ташқари ҳолат борлиги сабаб, голни бекор қилди. Кейинчалик ҳар икки жамоа вакиллари ҳам бир нечта хавфли ҳужумлар уюштирганига қарамай, ҳисоб очилмади.

Бу натижадан кейин петербургликлар онлайн турнир жадвалида 2-ўринни эгаллаган бўлса, "темирйўлчилар" 7-поғонани банд этган.

• 90+5'
  

  Учрашув якунланди. Матнли трансляция Жавоҳир Азимов томонидан олиб борилди.

• 90+3'
  

  Райкович Чорлука ўрнига ўйинга қўшилди.

• 90+2'

  Учрашув сўнгида "Зенит" олдинга ўтди. Аммо Мурило барчасини назорат остига олган эди.

• 90'
  

  Ўйиннинг асосий вақтига 3 дақиқа қўшиб берилди.

• 88'
  

  Жемалитдинов сариқ карточкага лойиқ кўрилди.

• 87'
  

  "Зенит" таркибида ҳаракат қилган Малком ҳамда Оздоев ўрнига Ерохин ва Сутормин ўйинга қўшилди.

• 86'
  

  Чорлукага тиббий ёрдам кўрсатилмоқда.

• 84'

  Майдон эгалари ўйин охирига яқинлашган сари темпни оширмоқда. Бу сафар хавфли ҳужумдан кейин рақиб ҳимоячилари тўпни майдон ташқарисига базўр чиқариб юборишди.

• 82'

  "Темирйўлчилар" ўта хавфли вазиятни бой беришди. Жарима майдончаси ичида Миранчук зарба бера олмади. Жуда қулай вазият қўлдан чиқди.

• 79'
  

  Рибчинский майдондан олинди. Унинг ўрнига қолган вақт давомида Жемалитдинов ҳаракат қилади.

• 78'
  

  Малком Мастовойга ажойиб узатма амалга оширди. Андрей тўпни даврозага тўғирлиб юборди аммо Гильерме ўз ўрнида.

• 75'
  

  Москваликларнинг навбатдаги зарбасини Кержаков эгаллаб олди.

• 72'
  

  "Зенит" мураббийидан ҳам иккиталик юриш: Азмун ва Жирков ўрнига Ригони ҳамда Круговой майдонга тушди.

• 71'
  

  Лисакович фаол ҳаракати билан жамоасига илк бурчак тўпини ишлаб берди.

• 69'

  Миранчукнинг ўнг қанотдан узатган тўпига ҳозиргина ўйинга қўшилган Эдер боши билан зарба берди. "Локо" мураббийи Николичнинг ўзгартиришлари ўйин темпини оширди.

• 68'
  

  Бурчакдан етказилган тўпга зарба берган Ловреннинг уриниши ноаниқ кетди.

• 66'

  Миранчук Сантосни чалғитди ва узоқ бурчакка зарба берди. Тўп устун ёнидан ўтиб, майдонни тарк этди.

• 64'
  

  Мезбонлар сафида ўзгариш: Камано ва Смолов ўз ўрнини Эдер ҳамда Лисаковичга бўшатиб берди.

• 63'

  Дзюбанинг пасидан кейин Малком зарба берди. Бироқ ҳимоячилар бу сафар ҳам дарвозабонга иш қолдирмади.

• 62'

  Майдон эгаларида ўта хавфли вазият пайдо бўлганди. Камано қанотдан марказ сари юрди ва дарвозага зарба йўллади. Тўп устуннинг ёнгинасидан ўтиб, майдонни тарк этди.

• 60'

  Тезликда ўтиб кетмоқчи бўлган Мостовойга Куликов имкон бермади. Гильерме олдинга чиқиб, тўпни эгаллаб олди.

• 58'

  Ракицкий бу сафар ҳам Караваевга узатма берди. Лекин жамоадоши унинг мақсадини тушуна олмади.

• 56'

  Дзюба рақиб майдонида тўпни эгаллаб, икки рақибини алдаб ўтишга уринди. Аммо ҳимоячилар бу вазиятда яхши ҳаракат қилди.

• 55'

  Мезбонлар яхши ҳужум уюштирди. Рақиб жарима майдончаси ичида Смолов тўпни эгаллаб, дарвоза томон зарба берди. Бироқ тўп йўлига ҳимоячи тўғаноқ бўлди.

• 52'

  Дзюба дарвоза томон зарба йўллади аммо тўп Караваевнинг қўлига тегди.

• 50'
  

  Жирков Дзюбанинг узатмасидан кейин қулай позицияга чиқиб борди. Бироқ ён ҳакам байроқчасини кўтарган эди.

• 49'

  Смолов тўп билан олдинга юрди ва шеригини пас билан таъминлади. Бироқ узатма кучли чиққан эди.

• 46'

  Иккинчи 45 дақиқалик аввалидаёқ Малком жамоасини олдинга бошлади. Аммо Куликов унга яхши қаршилик кўрсатди ва вазиятни бартараф этди.

• 46'
  

  Иккинчи бўлим бошланди!

• 46+2'
  

  Танаффус!

• 46+1'

  Магкеевнинг узоқ масофаданн берган зарбаси анча юқоридан ўтиб кетди.

• 45'
  

  Бош ҳакам Москалев биринчи таймга 2 дақиқа қўшиб берди.

• 43'

  Тайм сўнгига келиб жамоалар темпни оширмоқда.

• 41'
  

  Куликовга тегган тўп майдон ташқарисига чиқиб кетди. Петербургликларнинг навбатдаги барчак тўпи ҳам бесамар якунланди.

• 38'

  Рибчинский жарима майдончаси яқинида Жирковни йиқитди. Хавфли жарима зарбаси петербургликларда юзага келди.

• 37'

  Малком жарима тўпини етказиб берди. Тўпга зарба берган Ловренга бироз омад етишмади. Тўп тўсин олдидан ўтиб, майдонни тарк этди.

• 35'
  

  Смолов жарима майдончаси ичида икки рақибини чалғитди ва тўпни дарвозага йўллади. Бироқ "Зенит" посбони Кержаков тўпни майдон таўқарисига чиқариб юборди.

• 33'

  Москваликлар ҳам тез-тез олдинга ўта бошлади. Бу сафар Миранчук ва Камано яхши ҳаракат қилди. Аммо якунда барибир ноаниқ пас амалга оширишди.

• 31'

  "Локомотив"нинг позицион ҳужуми Смоловнинг тушунарсиз ҳаракатидан кейин барбод бўлди.

• 29'
  

  Эронлик ҳужумчига тиббий ёрдам кўрсатилмоқда. Бу вақтда ВАРга мурожаат қилган ҳакам пенальти йўқлигини билдирди.

• 28'

  Жарима майдончаси ичида Чорлука Азмунга нисбатан бироз қалтис ўйнади. Сердар майдонда ётибди.

• 26'
  

  Дзюбага ишлатилаган қўполлик учун Рибус огоҳлантирилди.

• 25'

  Азмун рақиби билан тўқнашиб кетди ва майдонда ётибди. Ҳайрият, у билан барчаси жойида.

• 23'
  

  Миранчук ажойиб тарзда очилди ва шерикларидан пас қабул қилди. Бироқ у воқеалар ривожидан бироз илгарилаб кетган эди.

• 21'

  Меҳмонлар катта устунликка эга бўлмоқда. Аммо "темирйўлчилар" қарши ҳужумларда хавфли туюлмоқда.

• 20'
  

  Дзюба фаол ҳаракатлари билан жамоасига бурчак тўпи ишлаб берди.

• 18'

  Ракицкий шеригига диагонал узатма амалга оширди. Аммо Караваев тўпга етиб бора олмади.

• 16'

  Мостовой тўпни қабул қилишда бироз секин ҳаракат қилди. Натижада, ҳимоячи хавфни бартараф эта олди.

• 14'

  Бу сафар Камано ҳимояда ишончли ўйнади. У Дзюбани зарарсизлантиришни уддалади.

• 12'
  

  Йўқ! Ҳакам ВАРдаги ёрдамчиларига қулоқ солди ва голни бекор қилди. Офсайд!

• 10'
  

  ГООООООООООЛЛЛЛЛЛЛ!

  Жарима майдончаси ичидан зарба берган Рибчинский яқин бурчакни ишғол этди.

• 9'

  "Локомотив"нинг навбатдаги ҳужуми Каманонинг ноаниқ ҳаракатидан кейин узилиб қолди. Франциялик футболчи шерикларини тушуна олмаяпти.

• 7'

  Мезбонлардан жавоб ҳужумида Миранчукнинг зарбаси хавфли кўриниш олди. Бироқ у зарбада бироз адашди.

• 6'

  Оздоевнинг чап оёқда йўллаган зарбаси тўсинга тегди. Петербургликлар ўйинни катта устунликда бошлади.

• 6'

  Жирков ўз қанотидан ҳавфли рейдлар амалга оширмоқда. Бугун "Локомотив" ҳимоясига осон бўлмаслиги тайин.

• 4'
  

  Камано Антон Миранчукни яхши позицияга чиқариб юборди. Бироқ Антон ўйиндан ташқари ҳолатда қолиб кетганди.

• 3'

  Дзюба  боши билан жамоадошига тўп оширди. Аммо у рақибига нисбатан қўполлик ишлатган эди.

• 1'
  

  Учрашув бошланди!

• 0'

  Ўйин бир неча дақиқалар ичида бошланади. Футболчилар майдонга тушиб келмоқда.

• 0'

  Ассалому алайкум, миллионлар ўйинининг муҳтарам мухлислари! Биз билан эканлигингиздан хурсандмиз!