Руис: "Биз Франциянинг даражасини жуда яхши биламиз"

2026 йилги жаҳон чемпионати ярим финалида Испания ва Франция терма жамоалари ўзаро тўқнаш келади. Учрашув олдидан «қизил фурия» ярим ҳимоячиси Фабиан Руис бўлажак беллашув ҳақида фикр билдирди.

«Франция терма жамоаси сафида менинг клубдошларим жуда кўп. Биз бу жамоанинг даражасини жуда яхши биламиз. Жуда кескин ва оғир ўйин кутяпмиз. Шу билан бирга, финалга чиқиш имкониятларимизни етарлича юқори, деб ҳисоблайман», – дея Руиснинг сўзларини келтиради Mundo Deportivo нашри.

Эслатиб ўтамиз, чорак финалда Испания Бельгияни 2:1 ҳисобида мағлуб этган бўлса, Франция Марокаш устидан 2:0 ҳисобида ғалаба қозонди.

Франция – Испания ярим финал учрашуви сешанба, 14 июль куни бўлиб ўтади.