Руни Роналдунинг кетиши ҳақида: "Ҳайрон қолмадим"

"Манчестер Юнайтед" афсонаси Уэйн Руни собиқ жамоадоши Криштиану Роналдунинг клубдан кетгани ҳақида гапирди.

"Очиғи, собиқ жамоадош ва МЮ мухлиси сифатида Роналдунинг бу ҳолатда кетганидан афсусдаман. Лекин менимча, унинг шов-шувли интервьюсидан кейин бошқа чора йўқ эди.

Ҳайрон қолмадим. Аммо афсусдаман. Чунки Криштиану "Манчестер Юнайтед"га фантастик даражада хизмат қилган",-деди Руби "Visa Match Center" нашрига.

Маълумот учун, кеча "қизил иблислар" матбуот хизмати португалиялик юлдуз билан шартнома бекор қилингани ҳақида хабар берганди. Шундан сўнг Роналду ҳам клубдан кетгани борасида фикр билдирди.