Руслан Чагаев фаолиятини якунлади

Супер оғир вазн тоифасининг собиқ жаҳон чемпиони ўзбекитонлик Руслан Чагаев (34-3-1, 21 КО) расман профессионал боксдаги фаолиятини якунлади. Бунга унинг кўзлари билан боғлиқ муаммолар сабаб бўлган.

Бу ҳақда боксчининг собиқ менежери Тимур Дугазаев маълум қилган.

– Руслан кўриш қобилиятида муаммолар юзага келганлиги сабабли расман фаолиятини якунлади. Биз унга ажойиб хайрлашув жанги ташкил қилиб бермоқчи эдик, аммо у соғлиғини муҳим билиб, карьерасини якунлашга қарор қилди, – дейди Дугазаев.

Эслатиб ўтамиз, жорий йилнинг июль ойида Чагаев ҳимоя жанги ўтказмаганлиги учун WBA вақтинчалик чемпионлик камаридан маҳрум қилинган эди.