Рустам Лутфуллин бошчилигидаги ўзбекистонлик ҳакамлар жамоаси ҳам ЖЧ-2026 саралаш учрашувига тайинлов олди

Хабарингиз бор, Илгиз Танташев бошчилигидаги ўзбекистонлик ҳакамлар бригадаси Жаҳон чемпионати саралашидан ўрин олган Хитой - Яман учрашувига тайинлов олгани ҳақида маълумот берган эдик.

Саралашнинг иккинчи босқичидан ўрин олган Индонезия – Филиппин беллашувида ҳам ҳамюртларимиз иш олиб боради. Бу ҳақда ЎзФҲМ матбуот хизмати хабар берди. 

Рустам Лутфуллин бошчилигидаги ҳакамлар жамоасига мазкур қизиқарли баҳс ишониб топширилди, унга қанотларда Андрей Цапенко ҳамда Тимур Гайнуллин ёрдам берса, яна бир вакилимиз Азиз Асимов захира ҳаками вазифасини бажариши кўзда тутилган.

Эслатиб ўтамиз, мазкур беллашув 11 июнь куни Тошкент вақти билан 19:30 да старт олади.