Рюдигер: "Реал Мадрид"дан кетиш ниятим йўқ"

"Реал Мадрид" ҳимоячиси Антонио Рюдигер Саудия клубларининг қизиқишига қарамай, жамоани тарк этиш ниятида эмаслигини таъкидлади. 
 
32 ёшли футболчининг шартномаси 2026 йилгача амал қилади ва "Ан-Наср" уни Эмерик Ляпорт ўрнига олиб келмоқчи. Бироқ, Антонио "Реал"да бахтли эканини таъкидлаб, жамоани тарк этмоқчи эмаслигини билдирди. 
 
Бундан ташқари, "қироллик клуби" ёш ҳимоячиларни кузатиб бораётган бўлса-да, Карло Анчелотти Рюдигернинг ишончли ўйинидан мамнун. 
 
Эслатиб ўтамиз, германиялик фулбек жорий мавсум "қаймоқранглилар" сафида 41 та беллашувда иштирок этиб, 2 та гол уришга муваффақ бўлди.