Салиба "Реал"нинг унга қизиқиши ҳақида изоҳ берди

"Арсенал" марказий ҳимоячиси Вильям Салиба Мадриднинг "Реал" клуби томонидан унга бўлган қизиқиш ҳақидаги хабарларга муносабат билдирди.

"Реал"нинг қизиқиши? Албатта, бундай клубнинг эътибор қаратаётгани ёқимли. Аммо мен аввало "Арсенал" билан совринлар қўлга киритишни хоҳлайман. Ҳозир барча фикрим шу йўналишда", — дея Салибанинг сўзларини келтиради "Madrid Zone" нашри.

Эслатиб ўтамиз, Лондон клуби француз марказий ҳимоячисини 2019 йил ёзида "Сент-Этьен"дан 30 миллион евро эвазига сотиб олган эди. Жорий мавсумда Салиба 12 та учрашувда майдонга тушиб, бир голли узатма муаллифи бўлди. Transfermarkt портали маълумотларига кўра, 24 ёшли футболчининг ҳозирги бозор қиймати 80 миллион еврога тенг.