Салоҳ: "Жаҳон чемпионатида иштирок этиш энди етарли эмас"

Миср терма жамоаси сардори Муҳаммад Салох Жаҳон чемпионати 1/8 финалида Аргентинага қарши ўйиндан сўнг мухлисларга мурожаат қилди. Миср терма жамоаси икки гол фарқи билан олдинда бораётган эди, аммо кейин кетма-кет учта гол ўтказиб юборди ва мусобақани тарк этди.

«Биламан, ҳали ҳам ранжигансиз. Лекин ваъда бераман: бу лаҳза Миср футболи учун халқаро майдонда янги босқич бошланишига сабаб бўлиши учун қўлимдан келган барча ишни қиламан. Энди фақат Жаҳон чемпионатига йўлланма олишнинг ўзи етарли эмас, мусобақада иштирок этишнинг ўзи ҳам кифоя қилмайди. Бу жамоа сизнинг ишончингиз ва қўллаб-қувватлашингизга лойиқ», — деб ёзди Салох ўзининг ижтимоий тармоқлардаги саҳифасида.

Салохнинг бу баёноти Миср терма жамоаси бош мураббийи Хусам Хассан ва ҳужумчи Мустафа Зико томонидан ҳакамликка билдирилган кескин танқидлар фонида янгради. Улар Аргентинага қарши ўйиндан сўнг француз ҳаками Франсуа Летексье қарорларидан норозилик билдирган эди. Мухаммад Салох эса учрашувдан кейинги чиқишида ҳакамлик мавзусини кўтармасликни маъқул кўрди.