Салоҳ 90 дақиқалик ўйинга қониқмаяпти

“Ливерпуль” форварди Муҳаммад Салоҳ майдонда имкон қадар кўпроқ тўп суришни хоҳлашини айтди.

“Мен майдонда 90 дақиқа эмас, ҳатто 95 дақиқа ўйнашни хоҳлайман. “Ливерпуль”нинг жорий мавсумдаги тиғиз тақвими мени ташвишлантирмайди. Аммо, ҳар қандай ҳолатда ҳам мен жамоа мураббийлар штабининг таркиб борасидаги қарорларини ҳурмат қиламан”, - деди мисрлик футболчи Goal нашрига берган интервьюсида.

28 ёшли Салоҳ жорий мавсум АПЛда 16 та ўйинда майдонга тушди ва ўз ҳисобига 13 та гол ҳамда 3 та голли узатма ёздириб қўйди.