Салоҳ "Ливерпуль" билан хайрлашув олдидан жамоага мурожаат қилди

Муҳаммад Салоҳ яқин орада "Ливерпуль"ни тарк этиб, эркин агентга айланади. Мисрлик ҳужумчи кетишидан олдин жамоага келаси мавсум учун тилак билдирди.

"Яна бир нарсани айтмоқчиман. "Ливерпуль" билан ғалаба қозониш — инсон ҳис қилиши мумкин бўлган энг яхши туйғу.

Менимча, сен ғалаба қозонганингда бу дунёдаги энг яхши клуб. Аммо мағлуб бўлганингда — энг оғири ҳам шу клуб. Шунинг учун кейинги мавсумда яхшиси ғалаба қозонишни бошланглар!" — деди 33 ёшли форвард.

Эслатиб ўтамиз, Салоҳ 2017 йилдан бери "Ливерпуль" сафида тўп суриб келмоқда.

Бугун Арне Слот жамоаси АПЛнинг сўнгги турида ўз майдонида "Брентфорд"ни қабул қилади.