Salohning agentlari yangi klub bilan muzokaralar boshladi

"Liverpul" hujumchisi Muhammad Saloh Saudiya Arabistoni chempionatiga yo‘l olishi kutilmoqda. Bu haqda "Lequipe" jurnalistlari xabar qilishdi.

Manbaga ko‘ra, Misrlik hujumchini o‘z safiga qo‘shib olishni mamlakat chempioni "Al-Hilol" klubi istamoqda. Klub vakillari Muhammadning agentlari bilan dastlabki muzokaralarni boshlagan. Salohning "Liverpul" bilan shartnomasi 2024/2025 yilgi mavsum yakunida tugaydi.

Joriy Angliya Premer-ligasi mavsumida 32 yoshli hujumchi 20 ta o‘yinda maydonga tushib, 18 ta gol urgan (shundan 5 tasi penaltilardan) va 13 ta golli uzatma amalga oshirgan.