Сане "Айнтрахт"га қарши ўйинда майдонга тушмоқчи

“Бавария” вингери Лерой Сане Бундеслига доирасидан ўрин олган “Айнтрахт”га қарши ўйинда иштирок этишни режалаштирмоқда.

Мюнхенликлар устози Ханс-Дитер Флик Саненинг тикланиш жараёни ҳақида тўхталиб ўтди.

“Бу қачон содир бўлишини аниқ айта олмайман. Аммо унинг спорт формаси ажойиб кўринмоқда. У шуғулланмоқда”, - деди Флик.

Bild нашрининг ёзишича, Сане тўп билан 50 дақиқа машғулот ўтказган ва ўзини яхши кўрсатган. Бироқ у эртага “Атлетико”га қарши бўладиган ЕЧЛ гуруҳ босқич учрашувини ўтказиб юборади.