Сарварбек Зафаржонов 2 та олтин ва 1 та кумуш медалга эга чиқди

Хабарингиз бор, Саудия Арабистонининг Ар-Риёд шаҳрида VI Ислом Бирдамлиги ўйинлари бўлиб ўтяпти.

Жаҳон чемпионати совриндори, V Ислом бирдамлик ўйинлари ғолиби, тажрибали спортчимиз Сарварбек Зафаржонов бу сафар ҳам совриндорлар қаторидан жой олмоқда. 

Ҳозиргина -88 кг вазн тоифасида даст кўтариш баҳслари якунига етди ва Сарварбек 161 кг оғирликни муваффақиятли кўтариб, кумуш медал соҳибига айланди! 

Силтаб кўтариш машқида эса 202 кг билан барчани ортда қолдириб, биринчи ўринни эгаллади. Шунингдек, икки кураш натижасига кўра ҳам 363 кг билан олтин медални қўлга киритди.

Шу тариқа, Зафаржонов VI Ислом Бирдамлиги ўйинларини 1 та кумуш ва 2 та олтин медал билан якунлади!