Саудия Арабистони - Яман: Матнли трансляция

Ассалому алайкум, қадрли футбол ихлосмандлари! Жаҳон Чемпионати саралаш босқичи 6-туридан ўрин олган Саудия Арабистони - Яман тўқнашувига хуш келибсиз. Ўйинни сайтимиз орқали матнли кўринишда кузатиб боришингиз мумкин.

С. Арабистони

  • Salem Al-Dawsari 4'
  • Fahad Al-Muwallad 17', 32'

Чемпионат Мира. Квалификация. Азия. 2-ой раунд. Группа D 7-тур

05/06/2021, 23:00

3
:
0
Тугади

Яман

    45'
    90'

    • 90'

      Учрашув якунланди! Саудия Арабистони навбатдаги ўйинни ўз фойдасига ҳал этди.

    • 87'

      Али Ал-Асмари майдонга тушди. У Абдуллоҳ Ал-Макрини алмаштирди.

    • 85'

      Сўнгги дақиқаларда ўйин темпи бироз пастроқ.

    • 82'

      Биринчи бўлим сўнгида яманликлар фаоллик кўрсатганди. Иккинчи таймда Саудияликлар рақибга умуман йўл бермаяпти.

    • 80'

      Томонлар вақтни ўтказиш учун ҳам олдинга ўтякпти.

    • 77'

      Мудир Ал-Радаи майдонда ётибди. Унга тиббий ёрдам керак.

    • 74'

      Ҳакам футболчиларга салқинланиб олиш имкониятини тақдим этди.

    • 72'

      Солиҳ Аш-Шеҳри ўз ўрнини Абдулла Ал-Ҳамданга бўшатиб берди.

    • 69'

      Бугун саудияликлар класс эвазига ғалаба қозонмоқда.

    • 67'

      Мухсин Каварига сариқ карточка кўрсатилди.

    • 65'

      Кичик назорат ҳамон "саҳро лочинлари" томонда бўлиб турибди.

    • 62'

      Ўйин темпи бироз пасртоқ. Томонлар ортиқча жароҳатларсиз ўйинни якунлашга интилмоқда.

    • 59'

      Рақибига нисбатан қўполлик ишлатган Бокшан огоҳлантирилди.

    • 57'

      Яманлик футболчига тиббий ёрдам керакка ўхшайди.

    • 54'

      Ўйин пастроқ темпда давом этмоқда. 

    • 51'

      Йирик ҳисобда олдинда эканлигига қарамай, саудияликлар шиддат билан олдинга ўтмоқда.

    • 48'

      Майдон эгалари иккинчи таймда ҳам фаол ўйин намойиш этмоқда.

    • 46'

      Иккинчи тайм бошланди!

    • 45+5'

      Танаффус!

    • 45+3'

      Аш-Шеҳрининг зарбасидан кейин Яман дарвозабони тўғри позиция танлаб тўпни қайтарди.

    • 45+3'

      Муҳаммад Бокшанга тиббий ёрдам керак.

    • 45+1'

      Ал-Фаражга нисбатан қоида бузган Ал-Матари огоҳлантирилди.

    • 45'

      Биринчи таймга 5 дақиқа қўшиб берилди.

    • 43'

      Мезбонлар бўлим сўнгига келиб ташаббусни рақибга топширди.

    • 41'

      Яман футболчиси Ал-Матарининг зарбаси хавфли чиқди. Бироқ тўп тўсин юқорисидан ўтиб кетди.

    • 39'

      Абдуллоҳ Отайфга сариқ карточка кўрсатилди.

    • 38'

      Ўйин саудияликларнинг катта устунлиги остида давом этмоқда.

    • 36'

      Ўйиннинг айни дақиқасига келиб яманликлар илк зарбани йўллади. Аҳмед Ал-Сарорининг уринишидан кейин дарвозабон тўпга эга чиқди.

    • 33'

      Ҳаво ҳарорати юқорилиги туфайли ҳакам футболчиларга салқинланиб олиш имкониятини тақдим этди.

    • 32'

      ГОЛ! Ҳисоб йирик кўринишга келмоқда.

      Дарвозабондан қайтган тўпни Фахад Ал-Муваллад бўш қолган дарвозага киритди.

    • 31'

      Узоқ масофадан тепилган тўпни Яман посбони қайтарди.

    • 30'

      Номинал меҳмонлар рақиб олдида саросимага тушиб қолмоқда.

    • 28'

      Салмон Ал-Фаражнинг зарбасидан кейин дарвозага кириб кетаётган тўпни яманлик ҳимоячи қайтарди.

    • 26'

      Саудияликлар рақибга умуман ўйин бермаяпти.

    • 23'

      Футболчилар ўзаро тортишиб кетди. Вазиятга ҳакам аралашди.

    • 22'

      Жарима майдони ичида қулай имконият ҳосил қилган рақибини Яман футболчиси Ал-Сарори зарарсизлантирди.

    • 20'

      Солиҳ Аш-Шехрининг олис масофадан берган зарбасига аниқлик етишмади.

    • 17'

      ГОЛ! Мезбонлар ҳисобни ишончли кўринишга келтирди!

      Ўткир бурчакда қолиб кетганига қарамай, Ал-Муваллад тўпни дарвозабоннинг устидан ошириб дарвозага киритди.

    • 16'

      Ал-Ганнам жарима майдони яқинида йиқилиб тушди. Ўйинни давом эттириш мумкин.

    • 14'

      Майдон эгалари қанотларни фаол ишга солмоқда.

    • 11'

      Тўп назорати саудияликлар томонда бўлиб турибди.

    • 9'

      Фахад Ал-Мувалладнинг зарбаси рекошет натижасида ўз йўналишини ўзгартирди.

    • 7'

      Жарима майдони марказига оширилган тўпни Яман футболчиси дарвозага йўллай олмади.

    • 6'

      Ҳисобни очиб олган "саҳро лочинлари" фаол ўйин намойиш этишда давом этмоқда.

    • 4'

      ГОЛ! Мезбонлар ҳисобни очди!

      Жарима майдони ичидан Ал-Довсарининг йўллаган кучли зарбасини дарвозабон қайтара олмади.

    • 2'

      Номинал мезбонлар илк дақиқаларни фаолроқ ўтказмоқда.

    • 1'

      Ўйин бошланди!

    Матнда хатолик топсангиз, ўша хатони белгилаб, бизга жўнатинг (Ctrl + Enter)

    Фикрлар

    Фикр қолдириш учун авторизациядан ўтинг!
    &
    @Saidjon
    06/06/2021 01:01
    Saudiya terma jamosni yutsa boladi ular bn doim asabiy oyin boladi xisobda oldinga chiqvolishsa oyini zivachkadek choziwadi asabni egolab tashlashadi bu arablar ularni gol urub jazolash kerak boshqa yoli yoq olga yigitlar omad
    Шерзодбек Вохидов
    06/06/2021 00:19
    Vadim bobo koryapsanmi oyinni ximoyani beton qil uyogini Eldor bilan Odil Jalol yopishtirip tasheydi tamom