Саудияликлар супертўпурарни “Реал” ва “Челси”га қолдирмайди

“Наполи” ҳужумчиси Виктор Осимхен ва клуб раҳбарияти ўртасида вужудга келган зиддиятли вазиятдан қатор гранд клублар фойдаланиб қолмоқчи.

Харидорлар орасида “Реал” ва “Челси” каби клублар бор. Улар 24 ёшли нигериялик тўпурарни январдаёқ трансфер қилишга ҳозирлик кўряпти.

Daily Mail нашрининг ёзишича, Саудия Арабистони клублари Виктор Осимхенни Европадан олиб кетмоқчи. Араблар кўп гол ураётган ҳужумчи учун “Реал” ва “ Челси”дан кўпроқ пул тикишга тайёр.

Агар “Наполи” мутасаддилари Осимхен билан юзага келган зиддиятни тўлиқ бартараф этмаса, қишки трансферлар вақтида Викторни сўраб келадиган жамоалар кўпайиб кетади.