"Саутгемптон" етакчиси Англия терма жамоасида ўйнашни хоҳламади

"Саутгемптон" ҳужумчиси Чи Адамс халқаро майдонларда қайси терма жамоада ўйнашни танлади.

Daily Mail нашрининг маълум қилишича, 24 ёшли футболчи Англия эмас, Шотландия терма жамоасини танлаган. У Шотландия терма жамоасининг март ойида бўладиган “ЖЧ-2022” саралаш ўйинларига ҳам чақирув олди. Айтиш керакки, Адамс бунга қадар Англия ёшлар терма жамоасида ҳаракат қилган.

Чи жорий мавсум "Саутгемптон" сафида 32 та ўйинда майдонга тушди ва 7 та гол ҳамда 4 та голли узатмага муаллифлик қилди.

Шотландия терма жамоаси бу ой Австрия (25 март), Исроил (28 март) ва Фарер оролларига (31 март) қарши баҳс олиб боради. Уларнинг барчаси “ЖЧ-2022” саралаши доирасида бўлади.