"Саутгемптон"нинг энг яхши тўпурари коронавирусга чалинди

"Саутгемптон" форварди Дэнни Ингснинг COVID-19 га топширган тести мусбат натижа берган. Бу ҳақда BBC хабар тарқатмоқда.

Жамоа бош мураббийи Ральф Хазенхюттлнинг сўзларига кўра, футболчида вирус ўтган ҳафтада аниқланган ва шу сабабли у тез орада машғулотларга қайтади.

Инг жорий мавсум АПЛда 13 та ўйинда рақиблари дарвозасига 7 та гол урди. У ҳозирда “Саутгемптон”нинг энг яхши тўпурари ҳисобланади.