Сенга топ-клубдан иш топиб бераман!

“Манчестер Юнайтед”га катта умидлар билан олиб келинган уругвайлик футболчи мануэль Угарте Англия Премьер-лигасига кутилган даражада бошлаша олмади ва ёзги трансферлар ойнаси даврида бошқа чемпионатга ўтиши кутиляпти.

Сўнгги маълумотларга қараганда, футболчининг кейинги манзили Италия чемпионати бўлиши мумкин.

“Манчестер Юнайтед” ҳужумкор футболчиси асосий таркибда кам ўйнаётгани сабабли клубни алмаштириш имкониятини кўриб чиқмоқда.

Журналист Николо Скира маълумотига кўра, машҳур футбол агенти Жорже Мендеш футболчини А Сериянинг бадавлат клубларидан “Ювентус”, “Милан” ва “Наполи”га таклиф қилган.

Қайд этилишича, туринликлар скаутлари 25 ёшли футболчини яқинда терма жамоа ўйинларидан бирида кузатган.

Неаполликларнинг устунлиги эса “Манчестер Юнайтед” раҳбарияти билан яхши муносабатда эканидир.

Transfermarkt портали баҳосига кўра, Мануэль Угарте 30 миллион евро қийматга эга.