Сенсация: Неймар “Барса”нинг ашаддий рақиби “Реал”га ўтадиган бўляпти

Саудия Арабистонининг “Ал-Ҳилол” клуби катта маош олаётган, лекин жароҳатлар туфайли жамоага кутилган даражада ёрдам бера олмаётган Неймар билан орани очиқ қилишга уринмоқда.

Бразилиялик юлдузнинг ўзи ҳам Осиё футболини тарк этиш борасида бир қарорга келиб бўлган.

Аввалроқ, 32 ёшли ўйинчининг АҚШ ёки Бразилияга кетиши ҳақида маълумотлар чиқарилган эди.

Todofichajes нашрининг маълум қилишича, Неймарнинг фикри ўзгарган. У Испания чемпионатига қайтишни орзу қиляпти. Бу сафар машҳур ҳужумчи ўзи ўйнаган “Барселона”га эмас, балки ашаддий рақиб “Реал” сафига қўшилмоқчи.

Манбанинг  таъкидлашича, Неймар ҳамюрти Винисиус Жуниор ва ПСЖда ўзи билан бирга тўп тепган Килиан Мбаппенинг ёнида ўйнашни мўлжаллаяпти.