Сэр Алекс Фергюсон “Манчестер Юнайтед”га зўр мураббий топиб берди
“Манчестер Юнайтед” раҳбарияти бош мураббий Эрик тен Хагга вазиятни ўнглаш учун қисқа муддат берди.
Шунга қарамай, клуб мутасаддилари нидерландиялик мутахассис ўрнига бошқа мураббий қидиришни тўхтатгани йўқ.
“Манчестер Юнайтед”ни футбол чўққисига олиб чиққан собиқ мураббий сэр Алекс Фергюсон жамоани қайси мутахассис яна муваффақиятлар сари бошлай олишини айтди.
La Gazzetta dello Sport нашрининг ёзишича, Фергюсон “Ювентус”дан истеъфога чиқарилган Массимилиано Аллегрига катта ишонч билдирмоқда. Унинг таъкидлашича, италиялик мураббий манчестерликлар учун идеал вариант ҳисобланади.
Клуб хўжайинлари рўйхатида яна бир италиялик мутахассис – “Интер” билан катта натижаларни қўлга киритаётган Симоне Индзагининг ҳам фамилияси бор.
Фикрлар