"Shabab Al-Ahli"dan g‘alaba", "Sharja" esa yirik hisobda mag‘lub bo‘ldi

Birlashgan Arab Amirliklari chempionatining 7-turida "Sharja" - "Al-Nasr" uchrashuvi bo‘lib o‘tdi. Mazkur o‘yinda Otabek Shukurov to‘p tepayotgan "Sharja" jamoasi raqibga 0:3 hisobida imkoniyatni boy berib qo‘ydi. Ushbu o‘yinda hamyurtimiz to‘liq harakat qildi. 

Bu turdan o‘rin olgan yana bir bahsda muxlislar "Shabab Al-Ahli" - "Al-Jazira" bellashuvi guvohi bo‘ldi. Legionerimiz Aziz G‘aniev harakat qilayotgan "Shabab Al-Ahli" bu turda 2:1 hisobida g‘alaba qozondi. Mazkur o‘yinda vakilimiz o‘ynadi va ikkinchi golga sababchilardan biri bo‘ldi.