Шаҳрам Ғиёсовнинг мураббийи Америка Қўшма Штатларига етиб борди (фото)

Хабарингиз бор, Тошкент вақти билан 8 май тонгида Америка Қўшма Штатлари Лас-Вегас шаҳрида профессионал бокс оқшоми бўлиб ўтади. Унда  Шаҳрам Ғиёсов ва Элнур Абдураимов навбатдаги жангларини ўтказади. Ушбу баҳсларда боксчиларимизни бевосита қўллаб-қувватлаш учун уларнинг ҳаваскор боксдаги мураббийлари ҳам океанортида бўлиб турибди. Хусусан, Шаҳрам Ғиёсовнинг ҳаваскор боксдаги катта ютуқларга эришишида улкан ҳисса қўшган Равшан Ходжаев уни профрингдаги жангида бевосида ёнида туриш учун Лас-Вегас шаҳрига етиб борган.

Эслатиб ўтамиз, кеча мураббий Тўлқин Қиличев ва Ўзбекистон бокс федерацияси ижрочи директори Шоҳид Тиллабоев ҳам АҚШга жўнаб кетган эди.