Шашти баланд “Сўғдиёна”, ўзига кела олмаётган
Ads

30-31 июль кунлари Суперлигада 15-тур учрашувлари ўтказилди. Эътиборлиси, жиззахликлар бу гал ҳам зафар қучишди. Улуғбек Бақоев шогирдлари ўзини ўнглай олмаётган “Қўқон-1912” майдонидан 3 очко билан қайтишди. Аввалги баҳсда чемпион мағлуб этилганди. Бу орқали “Сўғдиёна” шашти анча баландлигини кўрсатмоқда.

Рақибларидан анча фарқ билан ўзиб кетган “Пахтакор” Навоийда мезбонларни ранжитди. “Локомотив” эса Тошкентда “Динамо”дан биринчи даврадаги мағлубият аламини олди.

Бу мавсум катта мақсадлар билан чемпионатда қатнашаётган “Навбаҳор” тинимсиз равишда очко йўқотмоқда. “Лочинлар” иккинчи даврнинг бу турида ҳам ғалаба қозона олишмади.

“Металлург” Қаршида иккита гол уриб, мезбонларни мағлуб этди. “Андижон” Олмалиқда 2 та тўп фарқи билан ютаётганда, якунда дуранг қайд этилди. Мураббий алмаштиришда етакчи ҳисобланган “Сурхон” бу гал Тошкентда “қалдирғочлар”га йирик ҳисобда имкониятни бой берди.

Қуйида 15-турнинг тўлиқ тафсилотлари билан танишинг:

ҚИЗИЛҚУМ – ПАХТАКОР 0:5

Суперлига 15-турида "Пахтакор" Навоийда "Қизилқум"дан 5:0 ҳисобида устун келди.

Учрашув мобайнида катта ташаббусга эришган “шерлар” буни натижада ҳам акс эттиришди. 11-дақиқада бурчакдан тўп ўйинга киритилгач, Марко Симичнинг узатмасидан сўнг Егор Кримец яқин масофадан дарвозани ишғол қилди.

Марказий ҳимоячилар дуэти 17-дақиқада ушбу голнинг бошқача кўринишини намойиш этишди. Энди Кримец тўп оширди, Симич эса гол муаллифига айланди - 0:2.

Тайм якунигача Драган Черан ва Фарруҳ Сайфиевнинг зарбалари хавфли чиқди. Мезбонлардан Сухроб Ярашев ва Руслан Маргиевнинг аниқ зарбаларидан кейин Элдор Суюнов тўпни қайтарди.

Танаффусдан сўнг ҳам кўплаб вазиятлар яратган пойтахтликлар уларнинг учтасидан унумли фойдаланишди. 47-дақиқада Сардор Собирхўжаевнинг пасидан Игорь Сергеев самарали фойдаланди.

62-дақиқада захирадан туширилган Достонбек Ҳамдамов муваффақият қозонди. Ўйиндаги охирги гол Сергеев ҳисобига ёзилди. Игорь бу сафар Ҳамдамовнинг ажойиб узатмасидан кейин Евгений Черемисинни доғда қолдирди.

Шота Арвеладзе шогирдлари биринчи даврада 8:0 ҳисобида навоийликларни тор-мор келтиришганди. Мана иккинчи ўйинда ҳам “Қизилқум” тошкентликлар дарвозасини ишғол эта олмади.

Голлар: Егор Кримец 11, Марко Симич 17, Игорь Сергеев 47, 77, Достонбек Ҳамдамов 62

“Қизилқум”: Евгений Черемисин, Алишер Саноев, Лаша Тотадзе, Стиван Питер Лустица, Салим Мустафоев, Муҳсин Убайдуллаев, Шерали Жўраев, Азизбек Усмонов (Саиджамол Давлатжонов, 50), Руслан Маргиев, Матэ Вацадзе (Воҳид Шодиев, 89), Сухроб Ярашов (Нодирхон Камолов, 53).

Захира: Артём Макосин, Акмал Рустамов, Ҳумоюн Абдуалимов, Файзулло Қамбаров, Миржалол Қосимов, Сардор Жаҳонов.

“Пахтакор”: Элдор Суюнов, Ҳожиакбар Алижонов, Жалолиддин Машарипов, Драган Черан (Ҳусниддин Ғофуров, 66), Игорь Сергеев, Егор Кримец, Одилжон Хамробеков, Марат Бикмаев (Достонбек Ҳамдамов, 59), Сардор Собирхўжаев, Фарруҳ Сайфиев, Марко Симич (Владимир Козак, 77).

Захира: Санжар Қувватов, Бобур Асқаров, Жаҳонгир Аҳмадов, Шоҳруҳ Маҳмудҳожиев, Жасурбек Яхшибоев, Шерзод Аъзамов.

Огоҳлантиришлар: Фарруҳ Сайфиев 24, Муҳсин Убайдуллаев 24, Шерали Жўраев 71, Достонбек Ҳамдамов 73, Матэ Вацадзе 88.

Ҳакамлар: Виктор Серазитдинов, Олим Абдувосилов, Ришат Нугманов, Шуҳрат Ражабов

Назоратчи: Андрей Клепиков

Комиссар: Аббос Аҳроров.

4460 томошабин.

sher

Шота Арвеладзе: - Ажойиб майдон учун мезбонларга ташаккур билдираман. Мухлисларга ҳам раҳмат, кимдир яхши ўйнаганда олқишлаб қўйиш барчани хурсанд қилади.

Биринчи тайм бошида тезкор икки гол урдик. Бўлим охирида эса ҳушёрликни йўқотдик ва мезбонларда хавфли вазиятлар юзага келди. Учинчи тўпни киритганимиздан кейин тўпни назорат қилишга интилдик. Бундай ҳавода бу анча қулай.

Рақибни жиддий ўргангандик. Улар ўтган турда Наманганда жуда яхши ўйнаб, ғалаба қозонишганди.

Ҳамиджон Актамов: - «Пахтакор» Ўзбекистоннинг байроқдор жамоаси ва айни пайтда чемпионат пешқадами ҳисобланади. Рақиб таркиб жиҳатдан шубҳасиз энг кучлиси. Тошкентликлар ўзлари яратган имкониятларни голга айлантиришди, бизга эса имкон беришмади. Статистикага қарасак, биз ҳам зарба беришда улардан ортда қолишмаганимизни кўриш мумкин. Аммо Суюнов энг керакли паллада жамоасини муқаррар голлардан сақлаб қолди. Иккинчи давра энди бошланди. Кейинги ўйинларда мухлислар ишончини оқлашга уринамиз.

 

ҚЎҚОН-1912 – СЎҒДИЁНА 1:2

Жиззахликлар Қўқонга яхши кайфиятда етиб келишди. Чунки Улуғбек Бақоев шогирдлари иккинчи давранинг илк баҳсида “Локомотив”ни мағлуб этишди. Мезбонлар эса Тошкентдан “қуруқ қўл” билан қайтишгани учун бу ўйинда ғалаба қозонишлари шарт эди. Аммо...

Учрашув мезбонлар учун омадсиз бошланди. Биринчи дақиқада Иван Нагаев қарши ҳужумдан дарвозани ишғол этди.

Голдан кейин олдинга отланган қўқонликлар рақиб дарвозаси атрофида хавфли вазиятни юзага келтиришди. Бу ҳаракатлар 7-дақиқада самара берди. Жиззахликлар жарима майдони ичида Жамшид Ҳасановни қўполлик билан тўхтатиб қолишди. Пенальтини Мурод Холмуҳаммедов аниқ амалга ошириб, ҳисобни тенглаштирди.

63-дақиқада меҳмонлар иккинчи тўпни киритишди. Марказдан бошланган ҳужум чап қанотга кўчирилди. Шоҳруз Норхоновнинг пасини Кахи Махарадзе муваффақиятли якунлади.

Қолган дақиқаларда жамоалар ҳар қанча ҳаракат қилишмасин, ҳисоб ўзгармади.

Голлар: Иван Нагаев 1, Мурод Холмуҳаммедов пенальти 8, Кахи Махарадзе 63

“Қўқон-1912”: Ислом Абдуллаев, Собит Синдаров, Жамшид Ҳасанов (Ҳожимат Эркинов, 61), Қувондиқ Рўзиев (Отабек Ҳайдаров, 82), Авазхон Маматхўжаев, Сухроб Бердиев, Иқбол Маликжонов, Шаҳбоз Эркинов (Тимур Ҳакимов, 70), Александр Мерзляков, Марко Милич, Мурод Холмуҳаммедов.

Захира: Сарвар Каримов, Музаффар Абдуллаев, Муҳаммаданас Ҳасанов, Тимур Усмонов, Ҳамидулло Абдуҳамидов, Алишер Саматов.

“Сўғдиёна”: Милан Митрович, Сардор Қулматов, Элёр Орифов, Кахи Махарадзе (Сирож Мелиев, 89), Санжар Рашидов, Шоҳруз Норхонов (Изаттилла Абдуллаев, 68), Жамшид Болтабоев (Шаҳбоз Жўрабеков, 46), Жасур Ҳасанов, Иван Нагаев, Никола Милинкович, Шерзод Файзиев.

Захира: Ширинбой Абдуллаев, Нуриддин Ҳасанов, Ойбек Нурматов, Саҳоб Рашидов, Диан Тилхатов, Даниэл Насриддинов.

Огоҳлантириш: Мурод Холмуҳаммедов 25

Ҳакамлар: Азиз Асимов, Андрей Цапенко, Тимур Гайнуллин, Ғайрат Жўраев

Назоратчи: Игорь Нехочин

Комиссар: Жаҳонгир Раҳматуллаев.

2854 томошабин.

Улуғбек Бақоев: - Қўқонда қийналишимизни билгандик, чунки мезбонларнинг турнир жадвалидаги ўрнидан келиб чиқиб, шундай хулоса қилиш мумкин эди. Кутилганидек учрашув мураккаб тарзда кечди. Ғалабага осонликча эришганимиз йўқ. Майдон эгалари яхши ўйнашди. Футболчилар борларини беришди. Рақибимиз яратилган вазиятлардан фойдалана олмагани бизга қўл келди. Қолаверса, бундай иссиқ ҳавода тўп тепиш осон эмас. Футболда гол урган жамоа ютади.

Азиз Тўхтабоев: - Бугунги ўйинда фақат ғалабани кўзлаб майдонга тушгандик. Футболчиларга ортга йўл йўқ эканлигини тушунтиргандим. Гол уришни ҳаддан ташқари кўп истаганлариданми билмадим, нимагадир вазиятлардан фойдаланишда совуққонлик етишмади. Аксинча, рақибимиз кам сонли ҳужумларини гол билан якунлашди. Учрашувда бизни қўллаб турган мухлислардан миннатдорман. Мағлубият учун улардан узр сўрайман. Кейинги турларда вазиятни ўнглаш учун ҳаракат қиламиз.

 

ЛОКОМОТИВ – ДИНАМО 2:0

Амалдаги чемпион “Локомотив” майдонига сафар уюштирган “Динамо” Тошкентда мағлубиятга учради.

Биринчи таймда “темирйўлчилар” кўплаб ҳужумлар ташкил этишди. Ўз навбатида, самарқандликлар ҳам бўш келишмади ва рақибга муносиб қаршилик кўрсатишди.

Танаффусдан сўнг мезбонлар фаолликни оширишди. Шулардан бири дарвоза ишғол этилиши билан якунланди. Жарима майдонига кириб борган Остон Ўруновни Ҳакимхон Аъламхонов тўхтатиб қолгани учун пенальти белгиланди. 11 метрдан тўпни Темурхўжа Абдухолиқов тўрга киритди.

68-дақиқада Жасур Азимов гол муаллифига қўпол муносабатда бўлгани учун иккинчи марта огоҳлантирилиб, майдондан четлатилди. Сон жиҳатдан устунлик боис тошкентликлар ўзларини ортиқча қийнаб ўтиришмади. Лекин ҳисоб қалтис эканлиги боис иккинчи гол зарур эди.

Захирадан ўйинга қўшилган Медина Смит учрашувга қўшиб берилган дақиқада дарвозани ишғол этди. Сардор Мирзаевнинг фаоллиги эвазига Мединанинг дебюти омадли чиқди.

Голлар: Темурхўжа Абдухолиқов пенальти 56, Ариагнер Медина Смит 90+2

“Локомотив”: Жавоҳир Илёсов, Анзур Исмоилов, Остон Ўрунов, Жамшид Искандеров (Йован Жокич, 88), Сардор Мирзаев, Темурхўжа Абдухолиқов (Шерзодбек Каримов, 78), Ислом Тўхтахўжаев, Давронбек Ҳошимов, Арсланмират Аманов (Ариагнер Медина Смит, 70), Диёржон Туропов, Игорь Елич.

Захира: Маъмур Икромов, Жавоҳир Соҳибов, Иброҳим Ғанихонов, Жавоҳир Эсонқулов, Дилшод Комилов.

“Динамо”: Ботирали Эргашев, Миркомил Лоқаев, Ҳакимхон Аламхонов (Амиржон Сафаров, 61), Акмал Холмуродов, Жасур Азимов, Қадамбой Нурметов (Сардор Эминов, 74), Бобур Қосимов, Дамир Темиров, Жасурбек Ўринов, Ихтиёр Тошпўлатов (Баҳодир Насимов, 46), Шоҳруҳ Абдураҳмонов.

Захира: Шоҳруҳ Раимов, Низом Норов, Аббос Шодмонов, Санжар Баратов, Сирож Ҳамроев, Обид Ҳакимов.

Огоҳлантиришлар: Диёржон Туропов 4, Темурхўжа Абдухолиқов 68 – Жасур Азимов 68.

Четлатиш: Жасур Азимов (76, иккинчи сариқ).

Ҳакамлар: Акобирхўжа Шукуруллаев, Абдулҳамидулло Расулов, Жаҳонгир Саидов, Раҳим Каримов.

Назоратчи: Сайфиддин Эрматов.

Комиссар: Рамиль Ильясов.

1710 томошабин.

Даврон Файзиев: - Аламли мағлубият. Вазиятлардан фойдалана олмадик. "Локомотив"дан қўрқиб ўйнаганимиз йўқ. Менимча, яратилган вазиятлар борасида рақибдан устунроқ бўлдик. Аммо мағлубиятни тан олиш - мардларнинг иши. Ҳар бир мураббийнинг ўзига ҳос эътирозлари бўлади. 1:0 ва 2:0нинг фарқи йўқ. Йигитлардан охирги дақиқаларда босим қилишларини талаб қилдим. Балки гол уриб, ҳисобни тенглаштиришимиз мумкин эди. Шогирдларим аввалги беллашувга қараганда, мазмунлироқ кўринишди. "Бунёдкор" билан баҳсда ҳам шундай иштиёқ билан ўйнаганимизда натижа бошқачароқ бўларди. "Бунёдкор" ва "Локомотив" мамлакатимизнинг энг номдор жамоаларидан. Йигитларда ҳаяжон бўлиши табиий.

Албатта, кетма-кет уч мағлубият таъсир қилади. Рухий тушкунликка тушиш керак эмас. Бу футбол. Шундай даврлар бўлди-ки, қаторасига 7-8 ўйинда ютқазмадик. Энди уйда кўпроқ очко жамғаришга интиламиз.

Самвел Бабаян: - Қийин учрашув кузатилди. Барча рақиблар бизга қарши ўзгача кайфиятда майдонга тушишмоқда. "Динамо"нинг аввалги баҳси билан солиштирсак, самарқандликлар икки хил ўйин намойиш қилишди. Аммо кўпроқ эътиборни ўз жамоамга беришни истайман. Руҳий тушкунликдан чиқиб, ғалаба қозонгани учун йигитларга раҳмат айтаман. Беллашув давомида узоқ вақт гол ура олмаганимиз учун бугун бир неча вазиятларда бироз асабийлашдик.

Эътиборлиси, дарвозаларни ҳужумга жавоб берадиган футболчилар ишғол этишди. Энди кўпроқ ғалабаларга эришиб, мухлисларимизни хурсандчилик улашишга интиламиз. Ўйин сифати ва натижаси борасида ҳали анчагина ишлашимиз лозим.

Жиззахда кўпроқ вазиятлар яратиб, янада яхшироқ ўйнагандик. Вазиятлардан фойдаланишда муаммоларга учраяпмиз. Иккинчи таймда эса катта ташаббусга эришгандик. Етакчи жамоалар имкониятни бой берганидан кейин йигитларни рухлантириш қийин кечади. Мағлубиятларга кам учрайдиган футболчиларга керакли сўзларни топа билиш даркор.

Медина Смитни давралар оралиғида ижарага олдик. У ёш ва анчагина иқтидорли.

 

БУХОРО – НАВБАҲОР 0:0

Иккинчи давранинг илк ўйинида имкониятни бой берган “Навбаҳор” бу тур ҳам 3 очко ишлай олмади. Бухорога сафар қилган “лочинлар” ғалабага муносиб ҳаракат қилишмади. Ютишни истаган, чемпионликни вазифа этиб белгилаган жамоа охирига қадар курашиши лозим. Шу куни биз наманганликларда буларни кўрмадик.

Биринчи таймда мезбонлардан Асадбек Собиржонов ва Сардор Сулаймонов, меҳмонлардан Александр Касьян, Азим Аҳмедов ҳамда Иван Соловьёвда имкониятлар юзага келди. Аммо уларнинг зарбаларига аниқлик етишмади. Шунингдек, айрим ҳужумлар пайтида дарвозабонлар – Раҳимжон Давронов ва Ўткир Юсупов маҳоратларини намойиш этишди.

Танаффусдан сўнг ҳам ноаниқликлар ёки вазиятларни самарали якунлашдаги оқсоқликлар давом этди. Эътиборни тортгани, “Навбаҳор” футболчилари вақт ўтаётганини ҳис қилишса-да, ўзларини ортиқча куюнтиришмади. Майдонда шунчаки юришди холос. Айрим ҳолатларда мезбонлар дарвозани ишғол этиб, ғалаба қозонишлари мумкин эди. Бироқ шу куни стадионга йиғилган томошабинлар гол кўришмади.

4201564155147

«Бухоро»: Раҳимжон Давронов, Бобиржон Амонов, Саламат Қутибоев, Асадбек Собиржонов (Беҳруз Саъдиллоев, 89), Акобир Тўраев (Андрей Сидоров, 66), Сардор Сулаймонов (Анвар Жўраев, 60), Беҳруз Шодмонов, Эргаш Исмоилов, Милован Капор, Фатхулло Фатхуллоев, Артем Кулеша.

Захира: Хуршид Хўжаев, Миржалол Жумаев, Жамолиддин Убайдуллоев, Тоҳир Шамситдинов, Мурод Бобожонов, Давронбек Умиров, Анвар Жўраев.

«Навбаҳор»: Ўткир Юсупов, Азим Аҳмедов, Иван Соловьев (Азиз Ибрагимов, 80), Азизбек Турғунбоев, (Аббос Ғуломов, 90+1) Александр Касьян, Обид Жўрабоев, Мирзоҳид Ғофуров, Игорь Голбан, Жаҳонгир Меҳмонов (Шаҳзод Шайманов, 63), Илҳом Алижонов, Амирбек Жўрабоев.

Захира: Дилшод Ҳамроев, Комил Тожиддинов, Ғиёсжон Комилов, Аюбхон Нўманов, Шерзод Ҳакимов, Нодир Мавлонов.

Огоҳлантиришлар: Амирбек Жўрабоев 53, Мирзоҳид Ғофуров 67.

Ҳакамлар: Темур Тўхтасинов, Анвар Маражабов, Зиёдилла Абдураҳмомов, Рустам Чориев

Назоратчи: Султон Зайлобуддинов

Комиссар: Эркин Бахтиёров.

5820 томошабин.

Деян Журжевич: - Бухорога 3 очко учун келгандик. Аммо биринчи таймда шогирдларим кутилган ўйинни намойиш этишмади. Танаффусдан сўнг, йигитлар яхши ўйнаб, бир қатор хавфли вазиятларни юзага келтиришди. Бироқ улардан самара чиқмади. Бир сўз билан айтганда, жамоамиздан омад юз ўгирди.

Тўғри, сафардан очко билан қайтяпмиз. Лекин ўтган турда ўз майдонимизда мағлубиятга учрагандик ва ушбу баҳсда ўша очколар ўрнини тўлдириш ниятида эдик. Афсус, мақсадимизга эриша олмадик.

Муҳсин Муҳаммадиев: - Беллашув жуда қийин кечди. Ўйинга ҳаво ҳароратининг ўта юқорилиги ҳам салбий таъсир кўрсатди. Майдонда ҳаракат қилиш қийин бўлди. Менимча, мазкур баҳсни бевосита стадионда томоша қилган мухлислар ҳам буни ҳис қилишди. Шогирдларимнинг охирги зарбаларига аниқлик етишмади, омадимиз келмади.

Тўғри, “Навбаҳор” кучли жамоа ва биз бу рақибни ҳурмат қиламиз. Лекин ким гол урса, ўша зафар қучади. Ҳар икки клуб вакиллари дарвозаларни ишғол эта олишмади. Натижада дуранг қайд этилди.

 

НАСАФ – МЕТАЛЛУРГ 1:2

Қаршида “Насаф” билан куч синашган “Металлург” Баҳодир Пардаевнинг дубли эвазига ғалаба қозонди.

Бекободликлар биринчи бўлимда рақиблар дарвозасини икки марта ишғол этишни уддалашди. Баҳодир Пардаев 20-дақиқада Баҳром Абдураҳимовнинг пасидан сўнг гол урди.

Тайм охирида меҳмонлар стандарт вазиятдан унумли фойдаланишди. Музаффар Музаффаров жаримадан узатиб берган тўпни Баҳодир Пардаев боши билан тўрга киритди.

Иккинчи бўлимда майдон эгалари анча мазмунли ўйин кўрсатишди. Захирадан майдонга тушган Ойбек Бозоров 75-дақиқада орадаги фарқни қисқартирди.

Шундан сўнг ҳам мезбонлар “Металлург” дарвозаси ёнида кўплаб хавфли вазиятлар яратишди, бироқ Александр Лобановнинг ишончли ҳаракатлари жамоаси жонига оро кирди.

Голлар: Баҳодир Пардаев 19, 42, Ойбек Бозоров 75

«Насаф»: Абдувоҳид Неъматов, Ғолиб Ғайбуллаев, Азизжон Ғаниев, Дилшод Саитов (Ислом Рашидхонов, 46), Ҳумоюн Муртазоев, Бобир Абдихолиқов (Ойбек Бозоров, 65), Шароф Муҳитдинов, Дониёр Нарзуллаев, Сардор Абдураимов, Хуршид Мухторов (Шерзод Насруллаев, 71), Умарбек Эшмуродов.

Захира: Машхуржон Муҳаммаджонов, Сардор Саъдуллаев, Ҳусниддин Алиқулов, Жўрабек Маннонов, Акмал Мозговой, Худоёрхон Сағдуллаев.

«Металлург»: Александр Лобанов, Аббос Отахонов, Суҳроб Нуруллоев (Андрей Шипилов, 64), Исломбек Исоқжонов (Сергей Тумасян, 39), Баҳром Абдураҳимов (Сервер Жепаров, 89), Музаффар Музаффаров, Шавкат Муллажонов, Камолиддин Тожиев, Станислав Андреев, Акбар Исматуллаев, Баҳодир Пардаев.

Захира: Зафар Сафаев, Иброҳим Йўлдошев, Зоҳид Абдуллаев, Худойшукур Сатторов, Шоҳзод Ғофурбеков, Мухаммад Исаев.

Огоҳлантиришлар: Ғолиб Ғайбуллаев 51, Шароф Муҳитдинов 90 – Ислом Исоқжонов 37, Александр Лобанов 86.

Ҳакамлар: Ильгиз Танташев, Ҳусниддин Шодмонов, Александр Буров, Илья Ильин

Назоратчи: Рашид Айтеков

Комиссар: Ойбек Юнусов

6142 томошабин.

photo_2019-07-31_20-59-04

Андрей Шипилов: - Бундай ажойиб стадионда, мухлислар қаршисида ва гиламдек текис майдонда тўп тепиш жуда ёқимли. Учрашувда қандай натижа қайд этилишидан қатъий назар бу фикримни баён этардим.

Ишқибозлар томошабоп беллашув шоҳидига айланишди. “Насаф” кучли, тезкор, ғайратли ёшлардан иборат жамоа. Баҳс бошида мезбонлар иккита қулай вазиятни яратишди. Учрашув қаҳрамонларидан бири шубҳасиз Александр Лобанов.

Футболчилар кўрсатмаларни тўғри бажаришди. Майдон эгаларини қарши ҳужумда ушладик. Бундан ташқари яна дарвозани ишғол этишимиз мумкин эди.

Назаримда, “Насаф” Термиздаги оғир учрашувдан сўнг ўзига келиб улгурмаган. Ёки бизнинг кучимизга тўғри баҳо бермаган. Биринчи тайм тўлиқ устунлигимиз остида ўтди. Иккинчи 45 дақиқаликда мезбонлар босимни оширишди. Аммо бўш келмадик ва ҳақли равишда ғалаба қозондик.

Рўзиқул Бердиев: - Биринчи бўлимда кўп хатоларга йўл қўйдик, ўйинимиз ўхшамади. Устига-устак 2 та гол қўйиб юбордик “Металлург”дек тажрибали футболчиларга эга жамоа бундай фарқни сақлашни билади ва буни улар амалда исботлашди.

Иккинчи бўлимда анча мазмунли ўйин кўрсатдик. Бироқ рақибимиз яхши ҳимояланди. Лобанов эса ўз жамоасини бир нечта муқаррар голдан сақлаб қолди. Ғалабага муносиб эмасдик. Ҳужум чизиғимиз ҳам биз кутган ўйинни кўрсата олмади.

Беллашувга йигитлар тайёр эди. Бироқ ўтказиб юборилган 2 та голдан сўнг вазифамиз жуда қийинлашиб қолганди.

 

АГМК – АНДИЖОН 2:2

Турнир жадвалида ёнма-ён кетаётган жамоалар ўртасидаги беллашувнинг дастлабки бўлимида ўйин темпи нисбатан паст бўлди. Аммо танаффусдан кейин мухлислар бошқача футбол гувоҳига айланишди. Меҳмонлар фаоллик кўрсатиб, ҳужумларни самаралари якунлашди.

Сайдулло Раҳматов ва Суҳроб Султоновнинг ўзаро тушунмовчилиги натижасида бурчак зарбаси вужудга келди. Стандартдан тўпни Қаҳрамон Баҳодиров тўрга йўллади.

Орадан 15 дақиқа ўтиб, Шаҳзод Убайдуллаев жарима майдони ичида тўпни қабул қилиб, осонлик билан дарвозани ишғол этди.

Шундан сўнг олмалиқликлар уйғонишди. Майдон марказида Ҳакимов - Полвонов тандеми бошлаган ҳужумни жамоа тўпурари Зафар Полвонов аниқ зарбаси орқали муваффақиятли яунлади.

Ҳисобни тенглаштириш учун янада катта куч билан олдинга ўтган АГМК вакилларининг 79-дақиқада ташкил этган ҳужуми рақиб жарима майдони ичида қоидабузарлик билан тўхтатилди. Жалил Кимсанов бу вазиятда Полвоновни қўл билан ушлаб қолинганди. Пенальтидан грузиялик Элгужа Григалашвили унумли фойдаланди.

Иккинчи таймда иккита тўп фарқи билан ортда қолган мезбонлар якунда ирода кўрсатиб, мағлубиятни дурангга айлантиришди.

Голлар: Қаҳрамон Баҳодиров 51, Шаҳзод Убайдуллаев 66, Зафар Полвонов 71, Элгужа Григалашвили пенальти 81

АГМК: Суҳроб Султонов, Эркин Бойдуллаев, Миржамол Қосимов (Жасур Умаров, 46), Дилшод Жўраев (Муроджон Тошматов, 46), Элгужа Григалашвили, Санъат Шихов, Зафар Полвонов, Акмал Шораҳмедов, Сайдулло Раҳматов (Жасурбек Ҳакимов, 58), Бобурбек Юлдашев, Владислав Касминин.

Захира: Мирғиёс Сулаймонов, Ғулом Ҳайдар Ғуломов, Сардор Раҳмонов, Фарҳод Имомов, Игорь Зонич.

«Андижон»: Руслан Матниёзов, Жалил Кимсанов, Фарҳод Бекмуротов, Шаҳзод Убайдуллаев (Роббим Ҳасанов, 74), Дилшод Раҳматуллаев, Сардор Азимов, Илдар Маматказин, Рўзимбой Аҳмедов, Абдураҳмон Абдулхақов (Қаҳрамон Баҳодиров, 50, Ойбек Қиличев, 67), Алексич Радосав, Аброр Хусинов.

Захира: Жавоҳир Қиличев, Иброҳим Отахонов, Усмонали Усмоналиев, Бахтиёр Қосимов, Хушнуд Авилов, Абдуллоҳ Олимов.

Огоҳлантиришлар: Абдураҳмон Абдулхақов 39, Дилшод Жўраев 40, Жалил Кимсанов 80.

Ҳакамлар: Шерзод Қосимов, Санжар Шоюсупов, Алишер Усмонов, Аҳмаджон Эргашев

Назоратчи: Артём Арутюнов

Комиссар: Акмал Раҳматов

1348 томошабин.

Александр Хомяков: - Икки очко йўқотдик. Икки тўп фарқи билан ютаётиб, якунда дуранг ўйнаш жуда аламли. Ҳа, ғазабдаман. Тайёр ғалабани қўлдан чиқардик. Лекин АГМК билан сафарда дуранг ўйнаш ёмон натижа эмас.

Бугун ҳимояга урғу берган ҳолда тўп тепдик. Тезкорлик билан ҳужумга ўтиб, рақибни жазолаш асосий мақсадимиз эди. Қайсидир маънода ўйлаган режамиз амалга ошди. Биринчи даврада эса очиқ ўйин намойиш этганимиз учун рақибда кўп бўш ҳудудларда эгалик қилиш учун имкониятлар бўлганди.

Миш-мишларни эшитдик. Умид қиламанки, Дилшод Раҳматуллаев жамоада қолади.

Ҳикмат Эргашев (АГМК жамоаси ёрдамчи мураббийи): - Биринчи бўлимда йигитлар кутилган ўйинни кўрсатишмади. Иккинчи таймда кетма-кет голлар ўтказиб юборганимизга қарамасдан футболчилар ўзларида куч топишди ва ҳисобни тенглаштиришни уддалашди. Бекободда "Металлург"га қарши баҳс билан солиштирсак, бугун мен биринчи таймдаги жамоани танимадим.

Машғулотларда футболчилар яхши ишлашмоқда. Охирги 20-25 дақиқа жамоа анчагина қаттиқ курашди. Учрашув бошиданоқ шу тарзда ҳаракат қилишимиз керак эди.

 

БУНЁДКОР – СУРХОН 3:0

«Сурхон»ни қабул қилган «Бунёдкор» чиройли ўйини билан йирик ҳисобдаги ғалабага эришди. Майдонда меҳмонларга нисбатан фаолроқ ва устунроқ кўринган «қалдирғочларимиз» термизликлар дарвозасини уч бор нишонга олишди.

Биринчи бўлимда Жавоҳир Қаҳрамонов захирадан тушганига ҳали бир дақиқа бўлиб улгурмай ўз ҳисобига гол ёзиб қўйди. Ўнг қанотдан бошланган ҳужумни Жавоҳир Қаҳрамонов самарали якунлади.

Танаффусдан сўнг Қаҳрамонов икки жамоадошига ассисентлик қилди. Ўнг қанотдан етказиб берган тўпни Санжар Қодирқулов боши билан дарвозага тўғирлаб қўйган бўлса, учрашув охирида Нурилло Тўхтасинов рақиб посбони Асилбек Аманов билан бирга-бир вазиятда уни доғда қолдирди. Аввалига тўпни енгилгина унинг устидан олиб ўтди ва бўш дарвозани ишғол қилди.

Голлар: Жавоҳир Қаҳрамонов 36, Санжар Қодирқулов 74, Нурилло Тўхтасинов 90+3

«Бунёдкор»: Муроджон Зухуров, Анвар Ғофуров, Дилшодбек Аҳмадалиев, Хуршид Ғиёсов (Дмитрий Островский, 81), Лутфулла Тўраев, Миржаҳон Мираҳмадов (Жасурбек Жалолиддинов, 87), Санжар Қодирқулов, Нурилло Тўхтасинов, Санжар Рихсибоев (Жавоҳир Қаҳрамонов, 35), Евген Чумак, Абдулла Абдуллаев.

Захира: Абдумавлон Абдужалилов, Бобур Фарҳодов, Муҳаммадодил Қаҳрамонов, Фарруҳ Икромов.

«Сурхон»: Асилбек Аманов, Абдуқаҳҳор Ҳожиакбаров, Шоҳназар Норбеков (Раҳматулло Бердимуродов, 46), Шавкат Саломов, Абдул Азиз Юсупов, Аброр Исмоилов (Сухроб Нематов, 75), Элдор Бойматов (Азамат Алланиёзов, 67), Владимир Бубанья, Ҳусниддин Ғофуров, Аъзам Алиев, Дарко Станоевич.

Захира: Сардор Қобилжонов, Азамат Аҳмедов, Азамат Исроилов, Равшан Хурсанов, Санжар Аҳмедов.

Огоҳлантиришлар: Лутфулла Тўраев 45, Элдор Бойматов 54, Санжар Қодирқулов 72.

Ҳакамлар: Аҳрол Рисқуллаев, Руслан Серазетдинов, Дониёр Сайлавов, Ҳусан Музаффаров

Назоратчи: Дмитрий Роман

Комиссар: Зоҳирбек Акрамхонов

1355 томошабин.

Владимир Андреев ("Сурхон" жамоасининг вақтинча бош мураббийи): - Ҳаракатда ва курашларда рақибга ютқаздик. "Бунёдкор" бизни асосан шу томонлама енгди. Мана иккинчи ўйиндир-ки, майдонда кам ҳаракат қиляпмиз.

Биринчи голни умуман ўтказиб юбормаслигимиз керак эди. Ўзимиз сабабчимиз. Шундан сўнг ташаббус рақиб томонга ўтди.

Вадим Абрамов: - Оғир ўйин ўтди. Об-ҳавони ўзингиз кўряпсиз. Ўйлашимча, бугун ҳақли равишда ғалаба қозондик. Стадионларга кўпроқ мухлис келишини хоҳлардим. Ўз майдонимизда тўп тепишни бошлаганимиздан сўнг томошабинлар сони кўпроқ бўлади, деб ўйлайман.

Таркибни асосан рақибга қараб танлайман. Футболда шундай: ҳаммага имкон бериш лозим. Қолаверса, Жасур Жалолиддинов анча ёш ва уни бирданига ҳамма ўйинга туширавериб қийнаб қўйиш керак эмас. Жасур ҳали кўп амалиётга эга бўлади.

"Бунёдкор" кузда толиқиб қолади? Биласизми, бизда "Арманларда ҳар доим вариант бўлади" деган гап бор. Шундай экан, мен ҳам қандайдир йўлларини излаб топишга ҳаракат қиламан. Қани октябрь-ноябрь ойлари келаверсин-чи, кейин бу саволни ўйлаб кўрамиз.

Фикрлар

Фикр қолдириш учун авторизациядан ўтинг!
Misha Mk
04/08/2019 13:05
Бекзот исаев сиздан бита илтимос соровнома утказинг Навбахорда жорживич била бобойевга котог борми деган бу сукалани хайдаш кере
Misha Mk
04/08/2019 12:42
Saytga gap yoq shundo ishlela nomer 1 bolasila
&
BBS UZB
02/08/2019 21:45
Rostdan hammasi bitta maqolada. Raxmat sports.uz
Сабит Каримов
02/08/2019 20:47
Навбахорга тренерликка энг зур вариант Т.Копадзе эди булар Бабаянни укасини олиб келди мана энди шу ахвол
&
★xodillo★
02/08/2019 17:53
Maqolani erinmay yozib chiqqanlarga raxmat
Maqola zo'r chiqibdi barakalla
Xizmatlardan charchamanglar xurmatli JURNALISTLAR