Шавкат Раҳмонов рейтингда кўтарилишга эришди

“UFC 296”  турнирида қозоғистонлик Шавкат Раҳмонов Стивен Томпсонни 2-раундда бўғиш усули билан мағлуб этганди. Айнан ушбу ғалаба Раҳмоновга UFC расмий рейтингида кўтарилишга сабаб бўлди.

Энди қозоғистонлик жангчи ярим ўрта вазн (77,1 кг) дивизиони рейтингида 3–ўринга кўтарилиб олди. Раҳмоновдан олдин чемпион Леон Эдвардс, Камару Усман ҳамда Белал Муҳаммад бор холос. У Колби Ковингтон ҳамда Гилберт Бёрнсни қувиб ўтди. Аксинча Эдвардсдан мағлуб бўлган Ковингтон 5-ўринга тушиб кетди.