Шахмат. Нодирбек Абдусатторов 150 минг доллар ютиб олиши мумкин!

Аввал хабар берганимиздек, ўзбекистонлик гроссмейстер Нодирбек Абдусатторов “Fischer Random World Championship-2022” мусобақасида муваффақиятли иштирок этмоқда.

Истеъдодли шахматчимиз бугун ярим финалда АҚШ вакили ҳисобланган Хикару Накамурага қарши дона суради. Ушбу баҳс бугун Тошкент вақти билан соат 20:00да бошланади.

Ушбу қарама-қаршиликни chess24.com сайти орқали жонли эфирда кузатиб боришингиз мумкин.

Эслатиб ўтамиз, ушбу мусобақанинг иккинчи ярим финал баҳсида норвегиялик Магнус Карлсен россиялик Ян Непомняшийга қарши ўйнайди.

Маълумот учун, “Fischer Random World Championship-2022” мусобақасининг умумий соврин жамғармаси 400 минг АҚШ долларини ташкил қилади. Унда кучли 8 таликка кирган шахматчилар қуйидагича мукофотланади:

1-ўрин: 150.000$
2-ўрин: 85.000$
3-ўрин: 55.000$
4-ўрин: 40.000$
5-ўрин: 25.000$
6-ўрин: 20.000$
7-ўрин: 15.000$
8-ўрин: 10.000$