Шахмат. Тошкентда мукофот жамғармаси 166 минг АҚШ долларини ташкил қиладиган супертурнир ўтказилади

Жорий йилнинг 5 июнь – 15 июнь кунлари пойтахтимизда мукофот жамғармаси 166 000 АҚШ долларини ташкил қилувчи “UzChess Cup 2024” халқаро супертурнири бошланади.

Турнир 3 гуруҳга бўлинган ҳолда ташкил қилинади. “Masters” гуруҳида рейтинги 2700 очкодан юқори шахматчилар, “Challengers” гуруҳида рейтинги 2600 очкодан юқори шахматчилар ва “Futures” гуруҳида рейтинги 2500 очкодан юқори шахматчилар иштирок этади.

Мусобақа айланма тизимда ўтказилади. Турнирда юртимиз ва дунёнинг энг машҳур шахматчилари иштирок этиши кутилмоқда.