"Шахтёр" биринчи турда ғалаба қозонди. Убайдуллаев эса...

Беларусь Олий лигасига старт берилди. Бугун 1-турдан ўрин олган бир неча учрашув бўлиб ўтди.

Шаҳзод Убайдуллаев ҳаракат қилаётган "Шахтёр" клуби дастлабки тур баҳсини "Минск" жамоасига қарши ўтказди. Беллашув солигорскликларнинг 1:0 ҳисобидаги ғалабаси билан якунланди. "Кончилар"нинг ягона голига 83-дақиқада Дембо Дарбо муаллифлик қилди.

Ушбу баҳсни Шаҳзод Убайдуллаев захирада бошлади ва 80-дақиқада Гега Диасамидзе ўрнига майдонга тушди.