Шер Мамазулуновнинг профессионал боксдаги дебют жанги санаси ва рақиби маълум!

Юртимизнинг профессионал кикбоксинг, К- 1 йўналишидаги машҳур вакили Шер Мамазулуновнинг профессионал боксда ҳам рингга кўтарилиши ҳақида маълумот берган эдик. 

У Россиянинг Hardcore FC промоушени билан профессионал бокс бўйича 6 та жангга шартнома имзолаган эди. 

Унинг дебют жанги санаси ва рақиби ҳам маълум бўлди. Ҳамюртимиз 14 июнь куни Москва шаҳрида ушбу промоушен томонидан ташкил этиладиган бокс оқшомида рингга кўтарилади. Унга рақиб сифатида доғистонлик чармқўлқоп устаси Абдулқодир Гаджиев танланган. Жанг 84 кг вазн тоифасида 4 раунд этиб белгиланган.

Шу ўринда Мамазулуновга ушбу йўналишдаги дебют жангида омад ёр бўлишини тилаб қоламиз!