Шомуродов "Кальяри"даги расмий дебютини қачон ўтказади?

Хабарингиз бор, ҳамюртимиз Элдор Шомуродов “Рома”дан ижара асосида “Кальяри” сафига кўчиб ўтди.

Ўзбекистон миллий терма жамоаси сардори тўп сураётган “Кальяри” ўзининг янги мавсумдаги илк расмий учрашувини 12 август куни ўтказади. Шу куни Шомуродов жамоаси Италия кубогининг биринчи босқичи доирасида B Серия вакили ҳисобланган “Палермо” клубига қарши баҳс олиб боради.

“Кальяри” – “Палермо” ўйини Тошкент вақти билан соат 00:15 да бошланади.

Умид қиламизки, бош мураббий Клаудио Раньери ҳамюртимизга ишонч билдиради ва шу куни Элдор “Кальяри” сафида илк расмий учрашувини ўтказади.