Шомуродов трансферининг янги тафсилотлари

Шомуродовнинг «Ростов»дан «Женоа»га трансфери жорий ҳафтанинг энг кўп муҳокама қилинаётган долзарб мавзусига айланди. Чунки, Россия премьер-лигасидан Европанинг кучли бешлик чемпионатларига футболчи трансфер қилиш кам учрайдиган воқеликдир. Машҳур лигалар жамоалари Россия футбол бозорига камдан-кам, фақат ўта иқтидорли футболчини кўргандагина киради.

Аслида бир йил муқаддам ҳам ўзбекистонлик тўпурарнинг Европанинг кучли бешлик чемпионатларига ўтиши ҳақидаги хабарлар қайнаган эди. Айниқса, Бундеслига вакилларидан “Штутгарт” ва “Шельке” турли бонуслар илан 10-15 миллион евро атрофида маблағ таклиф қилгани нуфузли оммавий ахборот воситалари янгиликлар лентасида айланган эди.

Сир эмаски, аксарият чемпионатларда трансфер ойнаси ёпилишига бир неча кун қолганида кўзлаб юрилган футболчиларни харид қилиш учун амалий қадамлар ташланди. Хусусан, Шомуродов олдида бирданига “Женоа”, “Фиорентина”, “Верона”, "Штутгарт" ва “Сельта” вариантлари пайдо бўлди ва трансфер суммаси 12 миллион еврогача бўлган рақамларда акс этди.

“Ростов” биринчи бўлиб расмий мурожаат юборган “Женоа” билан ишни охиригача олиб боришга қарор қилди. Гарчи дастлабки 8 миллион евролик таклиф  рад этилган бўлса-да, италияликлар Элдорга харидор кўпайиб кетаётганини инобатга олиб, яна бир миллион қўшди ва ҳужумчининг кейинги трансферидан яна 15 фоиз улуш ажратишга қарор қилди.

Бугун маълум бўлишича, “Женоа” миқдори расман эълон қилинмаган трансфер суммасини учга бўлиб тўлайди. Элдорнинг трансфери билан Габриэль Жуффрид оиласи шуғуллангани айтилмоқда. Бу мутахассис  яқинда “Локомотив” етакчиси Алексей Миранчукни “Аталанта”га жойлаган эди.

Кеча йўлга чиқиб, ўз агенти Герман Ткаченко билан Генуяга етиб келган Элдор Шомуродов аэропорт яқинидаги меҳмонхонадан жой олди.  Ҳамюртимизни аэропортда “Женоа” вакиллари билан бир қаторда жамоанинг ўндан зиёд ашаддий мухлислари кутиб олди.

1200_1200_max_8

Энди Элдор Шомуродов тиббий кўрикдан ўтганидан сўнг, янги жамоаси билан тўрт йиллик шартнома имзолайди. “Женоа” ҳамюртимизнинг йиллик маошини 600-700 минг евро қилиб белгилаши кутилмоқда.

Шу ўринда, ўтган йили А Серияда жон сақлаб қолган “Женоа” ёзда таркибни анча янгилаганини таъкидлаш лозим. Ўтган мавсумда ҳужумда тўп сурганлардан фақатгина машҳур футболчи Горан Пандев қолди. Кейинроқ, эркин агент сифатида Маттиа Дестро сафга қўшилди ва “Ювентус”дан Марко Пьяца ижарага олинди. Айни пайтда жамоа таркибида Маттиа Перин, Федерико Маркетти, Кристиан Сапата, Доменико Кришито, Давиде Дзаппакоста, Лука Пеллегрини, Валон Бехрами, Горан Пандев каби машҳур футболчилар тўп сурмоқда.

“Женоа” ўйинда асосан 3-5-2 схемасини қўллайди. Икки нафар ҳужумчига тезкорлик ва рақиб ҳимоя чизиғига босим уюштириш юкланади. Ярим ҳимоя ва мудофаа вакиллари ҳужумчиларга узоқ масофадан аниқ тўп оширишга ҳаракат қилади. Мутахассисларнинг таъкидлашича, бу ўйин услуби бўйи баланд, бош билан яхши ўйнай оладиган ва тезкор Элдор Шомуродов учун жуда мос. Италияликлар ҳам ўзбек футболчисини таклиф қилишдан олдин унинг имкониятларини ҳар жиҳатдан ўрганиб чиққани аниқ.

Буёғига Элдордан жамоадошлари яратиб берган имкониятларни голга айлантириш талаб этилади. Энг муҳими, Шомуродов А Серия ўйинлари орқали Криштиану Роналду, Ромелу Лукаку, Лаутаро Мартинес, Златан Иброҳимович, Андреа Белотти, Чиро Иммобиле каби ҳужумчилар билан рақобатлашади. Бу унинг ҳужумчи сифатида ўсишига ёрдам беради. Зеро, “Женоа” Диего Милито, Марко Борьелло, Тиагу Мотта, Эрнан Креспо, Родриго Паласио, Себастьян Фрей, Альберто Жилардино ва Стефан Эл-Шаарави каби жаҳон футболи юлдузларининг порлашига мустаҳкам пойдевор бўлган. Демак, Элдорнинг келажакда қандай даражага чиқиши фақат ўзининг қўлида.        

Шомуродов Италияга учиб кетди

“Женоа” футболчилари Шомуродовни кутиб ололмайди

Янги маълумот. Шомуродов Италия клуби билан тўрт йиллик шартнома имзолайди

Шомуродов энг зўр футболчилар термасига киритилди (фото)

Шомуродовнинг нархи қанча? “Ростов” “Женоа”нинг 8 миллионини менсимади ёхуд Элдорга Европадан яна учта таклиф бор

"Женоа" Элдор Шомуродовни оляпти

Канчельскис Шомуродовга Европа футболида ўйнаш усулини ўргатди. Элдорни Роналду билан рақобат кутмоқда

Шомуродов трансфери бўйича тезкор маълумот. “Ростов” Элдорни қўйиб юбормаяпти

“Ростов” Шомуродов ўрнига Бухорода туғилган ҳужумчини олади

 

Фикрлар

Фикр қолдириш учун авторизациядан ўтинг!
UFC UZBEKISTAN
02/10/2020 11:14
Тренери ким Дженоани? Хеч ким ёзмайдия шуни. Унинг фикри қандай Элдор хақида?
&
Окаси
02/10/2020 12:03
Страна Генуя, Италия
Тренер Роландо Маран (Италия)
Alijon Shomirzayev
02/10/2020 13:40
Omad Shoma