Shomurodov "Yuventus"dagi o‘zbekistonlik ikkinchi futbolchi bo‘lishi uchun nima qilishi kerak? Turin klubida o‘ynagan hamyurtimiz javob berdi

O‘zbekiston milliy terma jamoasining sobiq yarim himoyachisi, "Yuventus" va "Jenoa" safida to‘p tepgan Ilyos Zeytullaev Metaratings.ru saytiga bergan intervyusida "Rostov" forvardi Eldor Shomurodovning Genuya jamoasiga o‘tishi haqida fikr bildirdi.

- Siz O‘zbekistondan Rossiyaga ketayotganingizda, bu bitta narsa. Bizning vatanimizda ham rus tilida gapirishadi va til borasida u qadar muammo yo‘q. Italiyaga kelganingizda, odamlar o‘rtasida mutlaqo o‘zgacha munosabatlar, boshqa til va o‘zlarining madaniy daqiqalari mavjud.

Italiyaga kelganimda, mahalliy futbol taktikasining chuqurligi meni hayratga solgandi. Chet elliklar uchun buni birdan anglash juda qiyin. Italiyada ular Shomurodov o‘qishni, yangi narsalarni o‘rganishni yaxshi ko‘rishini yozishadi. Agar Shomurodov haqiqatan ham ochiq bo‘lsa, unda u qiyinchiliklarga duch kelmaydi.

Rossiyalik mutaxassis Shomurodov uchun Italiya qiziqarli tanlov ekani, Angliyada unga qiyinroq bo‘lishi haqida gapirdi

Eldor Shomurodovning "Jenoa"ga transferi amalga oshmasligi mumkin. Hamyurtimiz Riberining jamoadoshiga aylanadimi?

Eldor "Yuventus"dagi o‘zbekistonlik ikkinchi futbolchi bo‘lishi uchun nima qilishi kerak? Hayotda hamma narsa sodir bo‘ladi. Ammo oldin Genuyada o‘z o‘rnini topishi kerak. "Yuventus"ga kirish qiyin. Shomurodovga "Jenoa"da o‘z o‘rnini egallashini tilayman, bu juda yaxshi bo‘lardi, - dedi Zeytullaev.