Шомуродовни қўлдан чиқарган клуб, “Рома”дан бошқа ўйинчини сўради!

А Серия аутсайдерларидан бири – “Монца” бир неча ҳафта давомида Элдор Шомуродовни қўлга киритиш учун кураш олиб борганди.

Ўзбекистонлик ҳужумчи мусобақа жадвалининг қуйи қисмидаги клублар – “Монца”, “Кремонезе”, “Сампдория” чорловларини кзриб чиқмади. Легионеримиз “Торино”га ўтишга тайёр экани ҳақида ахборотлар тарқатилмоқда.

Шунга қарамай, Сильвио Берлусконинг жамоаси Римдан битта ўйинчи олмоқчи. Улар бу гал бош мураббий Жозе Моуриньо билан  келиша олмай қолган Рик Карсдорп учун пойтахтликлар сўраган суммани тўлашга тайёр.

Нидерландиялик  ҳимоячига Италия А Серияси ва Англия премьер-лигасининг бир неча клубларидан қизиқиш бор. Лекин ҳали ҳеч қайси жамоа “Монца” сингари расмий таклиф билдиргани йўқ.

“Рома” 27 ёшли футболчини январь ойи ичида 10-12 миллион еврога тўлиқ трансфер қилиб юборишни истаяпти.