Шомуродовни қўлга кирита олмаган жамоа “Бавария”дан ҳужумчи олди

“Рома” ҳужумчиси Элдор Шомуродов трансфери бўйича римликлар билан келиша олмаган “Болонья” ўз сафига “Бавария” ҳужумчиси Жошуа Зиркзеени қўшиб олди.

Болоньяликлар нидерландиялик футболчи билан 2026 йилнинг ёзигача амал қиладиган шартнома тузди. Трансфер суммаси бонуслар билан 10 миллион еврони ташкил қилди.

Аслида “Болонья” бош мураббийи Синиша Михайлович Элдор Шомуродовни олиб келишни режалаштирганди. Лекин пойтахтликлар ўзбек футболчиси учун таклиф қилинган 10 миллион еврони камлик қилишини билдирди.

“Рома” Шомуродовни 12-14 миллион еврога баҳолаган эди.

21 ёшли Зиркзее ўтган мавсумни ижара асосида “Андерлехт” жамоасида ўтказиб, 47 та учрашувда 18 та гол урди ва 13 та голли пас узатди.

Фикрлар

Фикр қолдириш учун авторизациядан ўтинг!
&
nazarov Muhammadmirzo
31/08/2022 12:35
Eski xabar bu