Shota Arveladze: Futbolchilarning oxirigacha kurashishini istayman

Samarqanddagi uchrashuvdan keyin "Paxtakor" bosh murabbiyi Shota Arveladze bellashuv haqida fikrlarini bildirib o‘tdi. Bu haqda klub matbuot xizmati xabar bermoqda. 

- Raqib o‘yinda juda yaxshi kurashdi. Biz o‘zimiz xohlagan futbolni namoyish qilishga intildik, biroq buni qoniqarli uddalay olmadik. Bunday vaziyatlarda oxirigacha kurashish talab etiladi. Futbolchilar har bir holatda so‘nggi imkongacha kurashishlarini istayman.

Mezbonlarning qarshi hujumlarda o‘ynashini kutgandik. Shunday bo‘ldi ham. Kutilmagan o‘yinni ko‘proq "Paxtakor" ko‘rsatdi - to‘pni ko‘p yo‘qotdik, - deydi Arveladze.