Шота Арвеладзе: Ҳали барчаси олдинда
Ads

"Биз бу турнирни жуда ёмон бошлаган эдик. Гуруҳдан чиқиш вазифаси қўйилган эди ва буни уддаладик. Ўйин мухлисларга ёқди деб ўйлайман. Рақиб сафида ёшлар ўйнаган бўлса-да, улар характерларини кўрсатишга интилишди. Биз эса ушбу мусобақада чорак финалга чиқишни мақсад қилгандик ва бунга эришдик.

Ҳар қандай турнирда "Пахтакор" номидан майдонга тушамиз. Шу сабабли биз клуб имижини сақлаган ҳолда бор имкониятдан фойдаланишга уринамиз. Тан олиш керак, йигитларда сал иштиёқ етишмади. Чунки рақиб таркибини кўргандан кейин барибир бошқача кайфиятда ўйнашди. Мавсум бошидан бери 24 учрашувда майдонга тушдик, терма жамоа аъзолари умуман дам олишмади. Энди бир ҳафта мобайнида улар ҳордиқ чиқаришади. Кейин иккинчи даврага тайёргарликни бошлаймиз.

Таркибимизда ўзгаришлар бўлиши мумкин. Лекин ҳозир аниқ нимадир деб айта олмайман. Ҳамдамов ва Абдуллаев тез орада майдонга қайтади, Сидиқовда эса вазият жиддийроқ. Комилов ва Яхшибоевни ҳам кутиб қоламиз. Олдинда бизни мавсумнинг қизғин палласи кутиб турибди.

Биринчи даврада ёмон ўйнамадик. Мухлислар оқимининг камайишига об-ҳавонинг иссиқлигини, Рамазон ойини сабаб қилган бўлар эдим. Бундай иссиқда мухлисларга ҳам осон эмас. Қолаверса ўқувчилар, талабалар таътилга чиқишган ва шу боис уларнинг аксарияти шаҳарни тарк этишди.

Учта соврин учун курашяпмиз, ўйлашимча, барча қизиқарли ўйинлар ҳали олдинда кутиб турибди. Селекция ишлари давом этмоқда ва изланишда давом этяпмиз", - деди грузиялик мутахассис.

Фикрлар

Фикр қолдириш учун авторизациядан ўтинг!
&
нодирбек.фк насаф
08/07/2019 09:29
Кулгули холат , Узбекистонда футбол нима учун утказилади , стадионни карангла чиройли лекин бум буш , мустакил булганимизга 28 булибди лекин хали хам футболимиз бир аник йулини топгани йук, уша олди сотди уйинла, уша пойтахт жамоалари чемпион , карочи гапирсанг гап куп
Shaxboz Bekmurodov
08/07/2019 00:17
akademiyangda o‘yinchilar yo‘qmi.tarkibingdagi zo‘rlar hammasi NASAFDAN keganku.NASAF olg‘a
Murod Panjiev
07/07/2019 22:57
Куккондан туртани едингку асосий таркибинг билан хам пахтакорга мураббий керакмас бу таркиб билан сен булмасанг жаноб Арвеладзе пахтакор бунданда яхши уйнайди мураббий булмаса хам
Davron Jenjayev
07/07/2019 22:35
Xali barchasi oldinda deb 2 yil uttib kettiyov