Шотландияда чемпион номи аниқ бўлдими?

Шотландия чемпионати ташкилотчилари ва клублари жорий мавсумни муддатидан аввалроқ якунлаш вариантини кўриб чиқишмоқда.

Агар коронавирус пандемияси чекиниши узоқ вақтни талаб қиладиган бўлса, лиганинг барча клублари мавсумни қолган турларисиз якунлаб қўйишга розиликларини билдиришган.

Унга кўра, турнир жадвалининг ҳозирги ҳолатига қараб ютуқлар тақсимланади, яъни чемпионатда энг яқин тақибчиси "Рейнжерс"ни 13 очкога ортда қолдирган "Селтик" мамлакат чемпиони сифатида қайд этилади.

Эслатиб ўтамиз, олдинроқ, Белгия чемпионати мавсумни барвақт якунланиши бўйича таклиф киритилгани ва бу масала 15 апрелда кўриб чиқилиши маълум бўлган эди.

Аммо ушбу баёнотдан сўнг УЕФА мамлакат чемпионати клубларига кейинги мавсумда Еврокубоклардан четлатилиш эҳтимоли ҳақида огоҳлатириб ўтган эди.