Шовковский футболчилик фаолиятини якунлади

Январда 42 ёшни қаршилайдиган Киевнинг “Динамо” клуби дарвозабони Александр Шовковский футболчилик фаолиятини якунлади.

Бу ҳақда кеча Украини чемпионатининг 14-турида “Шахтёр”га (3:4) қарши учрашувдан сўнг “Динамо” бош мураббийи Сергей Ребров эълон қилди.

Маълумот учун, Шовковский “Динамо” клубида 1993 йилдан буён тўп суриб келади. У фаолияти давомида Украина чемпионатида 426та учрашувда иштирок этган.