Шу ўйинчи керакми, 150 миллион евро тўланг!

“Байер”ни ўтган мавсумда Германия чемпионлигини қўлга киритишига катта ҳисса қўшган Флориан Вирц келаси ёз жамоасини ўзгартирадиган кўринади.

21 ёшли ҳужумкор футболчини бир неча гранд клублар ўз таркибига қўшиб олишга тайёр. “Байер” мутасаддилари бу ўйинчини ушлаб қолиш қийин бўлишини сезиб турибди. Шу боис, улар Вирцнинг трансферидан мўмай даромад ишлаб олмоқчи.

Sport нашрининг маълум қилишича, “доришунослар” жамоа етакчисини 150 миллион еврога қўйиб юборишга рози бўлади.

Айни пайтда Вирцга “Реал”, “Ливерпуль” ва “Бавария” жиддий қизиқиш билдиряпти. Ўйинчининг ўзи қайси жамоага ўтиш бўйича бир қарорга келгани йўқ.