Шунақаси борми ўзи? Почеттино ўзига қанақа ҳужумчи кераклигини айтди

“Челси” бош мураббийи Маурисио Почеттино  ёзги трансферлар ойнаси ёпилгунига қадар таркибга зўр ҳужумчи қўшиб олишдан умидвор.

Аргентиналик мутахассис журналистлар билан мулоқот чоғида ўзига қайси типдаги форвард кераклигини очиқ айтди.

- Бизга ҳужум чизиғининг барча позицияларида самарали ўйнай оладиган ҳужумчи керак. Бу ўйинчи жамоамизнинг ҳужум чизиғидаги мувозанатларини биз томонга оғдириб бериши шарт, - деди Маурисио Почеттино.

Сўнгги пайтда “Челси” мутасаддилари “Ноттингем Форест” вакили Брендан Жонсонни олиш ҳаракатига тушиб қолган.

Бундан ташқари, “аристократлар” Флорин Балогунни ҳам чорлаган  эди. Америкалик ҳужумчи “Монако” вариантини маъқул кўрди.