Shupo-Moting PSJda qolishga qaror qildi

PSJ hujumchisi Erik Maksim Shupo-Moting "Lechche"ga o‘tmaydigan bo‘ldi. Bu haqda L’Equipe nashri xabar tarqatmoqda.

Ta’kidlash kerakki, A Seriya klubi kamerunlik futbolchini ijaraga olishni rejalashtirgan edi. Biroq, ularning taklifi Shupo-Motingni qoniqtirmadi. Shu sababli u parijliklar safida qoladigan bo‘ldi.

Ma’lumot uchun, Shupo-Moting PSJ safida 2018 yildan buyon to‘p surib kelmoqda. U o‘tgan mavsum 31ta o‘yinda maydonga tushdi va 3ta gol hamda 2ta golli uzatmaga mualliflik qilishga erishdi. Uning parijliklar bilan amaldagi shartnomasi 2020 yilga qadar imzolangan.