Шупо-Мотинг ПСЖда қолишга қарор қилди

ПСЖ ҳужумчиси Эрик Максим Шупо-Мотинг "Лечче"га ўтмайдиган бўлди. Бу ҳақда L’Equipe нашри хабар тарқатмоқда.

Таъкидлаш керакки, А Серия клуби камерунлик футболчини ижарага олишни режалаштирган эди. Бироқ, уларнинг таклифи Шупо-Мотингни қониқтирмади. Шу сабабли у парижликлар сафида қоладиган бўлди.

Маълумот учун, Шупо-Мотинг ПСЖ сафида 2018 йилдан буён тўп суриб келмоқда. У ўтган мавсум 31та ўйинда майдонга тушди ва 3та гол ҳамда 2та голли узатмага муаллифлик қилишга эришди. Унинг парижликлар билан амалдаги шартномаси 2020 йилга қадар имзоланган.