Симеоне: "Финалда ғалаба қозониш учун бор кучимизни берамиз"

"Атлетико" бош мураббийи Диего Симеоне Испания Кубоги финали олдидан ўз фикрлари билан ўртоқлашди. Мадридликлар ҳал қилувчи баҳсда "Реал Сосьедад"га қарши майдонга тушади.

"Ҳар қандай спортчи учун финалда ўйнаш ва ғалаба учун бор кучини бериш қанчалик муҳимлигини яхши биламиз. Сешанба куни биз муҳим ўйин ўтказдик — "Барселона"га қарши (1:2), бу натижа Чемпионлар лигаси ярим финалига чиқишимизга ёрдам берди. Аммо ҳозир биз яна реалликка қайтдик.

Биз кучли рақибга қарши қандай қийинчиликлар кутилаётганини тушунамиз. Улар турли ҳужум схемаларига эга жамоа. Шу боис, ғалаба қозониш учун майдонга тўлиқ тайёр ҳолда чиқишни режа қиляпмиз", — деди Симеоне.