Сирли клуб “Барса”да бирорта ўйин ўтказмаган футболчи учун 45 миллион таклиф қилмоқда
Номи сир тутилаётган клуб “Барселона”га 20 ёшли португалиялик ҳужумкор футболчи Тринкау учун 45 миллион евро таклиф қилди.
Каталонияликлар ҳужумнинг ҳам чап, ҳам ўнг қанотида ўйнай оладиган футболчини жорий йилнинг январь ойида “Брага”дан 31 миллион еврога харид қилганди. “Барселона” таркибида умуман майдонга тушмаган футболчининг нархи пандемия даврида 14 миллионга ошди.
Тринкау “Брага” таркибида 18 та ўйинда 7 та гол урган ва бешта голли пас узатган. 2018 йили 19 ёшгача футболчилар ўртасидаги Европа чемпионатида 5 та учрашувда бешта гол уриб, мусобақа ғолиби бўлган.
“Барселона” мутасаддилари унинг келажаги порлоқ эканига ишонган ҳолда ўйинчини сирли клубга сотмади.
Фикрлар